“ස්වාමිනි, මම මේ ගරු අධිකරණයෙන් ඉල්ලා සිටින්නේ මෙම නඩුවේ විත්තිකරුවන් හය දෙනා අතුරින් සිව් දෙනෙකු මේ විට මියගොස් තිබෙනවා.සාක්ෂිකරුවන් තිස්පස් දෙනා අතුරින් දාහහත් දෙනෙකු මිය ගොස් තිබෙනවා. ඒ විතරක් නොවෙයි ස්වාමිනි ,මේ වෙනුවෙන් පෙනී සිටි ජනාධිපති නීතිඥ වරුන් ඇතුළු නීතිඥවරුන් හය දෙනෙකු මිය ගොස් තිබෙනවා.තවත් මිය යන්න පුළුවන්ඒ. නිසා මම මේ ගරු අධිකරණයෙන් ඉල්ලා සිටින්නේ මේ නඩුව සදහා ළග දිනයක් ලබා දෙන ලෙසයි.“Sri Lanka Latest News
හිටපු සෞඛ්ය ඇමති කෙහෙළිය රඹුක්වැල්ල මහතා දෙවැනි විත්තිකරු ලෙස නම් කර ඇති 2000 වර්ෂයේ පළාත් සභා මැතිවරණ සමයේ ගම්පොල කුරුදුවත්ත ප්රදේශයේදී බෝම්බ ගසා පුද්ගලයෙකු ඝාතනය කිරීමේ නඩුව පසුගිය 08 වැනිදා මහනුවර මහාධිකරණ විනිසුරු දර්ශිකා විමලසිරි මෙනවිය හමුවේ යළි කැදවූ අවස්ථාවේදී මෙම නඩුවේ දෙවැනි විත්තිකරු වෙනුවෙන් පෙනී සිටින නීතිඥ නවරත්න බණ්ඩාර මහතා අධිකරණය හමුවේ මෙම විශේෂ ඉල්ලීම කළේය.
එදින නඩු විභාගය සදහා වෙනදා කොළඹ සිට පැමිණෙන රජයේ නීතිඥයෙකු පෙනී නොසිටි අතර දෙපාර්ශවයේම නීතිඥ වරුන් කල ඉල්ලීම සලකා බැලූ මහාධිකරණ විනිසුරු වරිය ලබන අප්රේල් මස 01 වැනි දින මෙම නඩුව විභාග කිරීමට නියෝග කළාය.
එදින මෙම නඩුවේ සාක්ෂි විමසීමක් සිදු කිරීමට තිබුණද එම සක්ෂිකරුද මිය ගොස් ඇති බව මෙහිදී හෙළිවිය.මෙම නඩුවේ දැනට ජිවතුන් අතර සිටින දෙවැනි විත්තිකාර හිටපු අමාත්ය කෙහෙළිය රඹුක්වැල්ල මහතා හා සිව් වන විත්තිකාර සිසිර අලුත්ගමගේ යන මහත්වරුන් අධිකරණය හමුවේ පෙනී සිටි අතර රඹුක්වැල්ල මහතා වෙනුවෙන් ජනාධිපති නීතිඥ අනුජ ප්රේමරත්න මහතා ඇතුළු නීතිඥ මඩුල්ලක් පෙනී සිටි අතර සිව් වැනි විත්තිකාර සිසිර අලුත්ගමගේ මහතා වෙනුවෙන් නීතිඥ නවරත්න බණ්ඩාර මහතා පෙනී සිටියේය.
ප්රයිම් කැන්ඩි නිව්ස්
