ඉකුත් ජනවාරියේ සිට ඔක්තෝබර් මාසය දක්වා ගෙවුණු මාස 10ක කාලය තුළ පිරිපහදු නොකළ පොල්තෙල් ලංකාවට ගෙන්වා පිරිපහදු කොට බෙදාහැරීමේදී රජයට අයවිය යුතු බදු මුදල් නොගෙවීම හේතුකොට ගෙන සමාගම් කීපයක් රුපියල් බිලියන 05කට ආසන්න මුදලක් බදු නොගෙවා හැර ඇති බවට වූ පුවතක් පසුගිය සතියේ අප ‘මව්රට’ මුල් පුවතින් වාර්තා කළෙමු.Sri Lanka Latest News
එහිදී අප පෙන්වා දුන්නේ හිටපු ජනාධිපති රනිල් වික්රමසිංහ මහතාගේ පාලන සමයේදී මෙම සිදුවීම සිදුව ඇති බවත්, ලංකාවට මහාපරිමාණයෙන් පිරිපහදු නොකළ පොල්තෙල් ගෙන්වන සමාගම් තුනක් වෙත මෙම චෝදනාව එල්ල වී ඇති බවත්ය.
කෙසේ වෙතත් රනිල් වික්රමසිංහ මහතාගේ ආණ්ඩුව පෙරළීමෙන් පසුවද මෙම තත්ත්වය ඒ අයුරින්ම ඉදිරියට ගොස් තිබීම විශේෂ සිදුවීමකි.
ඒ අනුව ඉකුත් නොවැම්බර් මාසයේදීද මෙම සමාගම් විසින් පිරිපහදු නොකළ පොල්තෙල් මෙටි්රක් ටොන් 1,800කට ආසන්න ප්රමාණයක් ලංකාවට ගෙනැවිත් ඇත. ඒ, ජනාධිපති අනුර කුමාර දිසානායක මහතා ධුරයට පත්වීමෙන් අනතුරුවය.
කෙසේ වෙතත් මේ සම්බන්ධයෙන් කළ විමසීමකදී දේශීය ආදායම් දෙපාර්තමේන්තුවේ අධ්යක්ෂ ජනරාල්වරිය මාධ්ය වෙත සඳහන් කොට තිබුණේ අදාළ සිදුවීම සම්බන්ධයෙන් මේ වනවිට විමර්ශනයක් ආරම්භ කොට ඇති බවකි.
