සෞඛ්ය රීතීන් උල්ලංඝනය කරමින් කොළඹ ෂැංග්රිලා හෝටලයේදී ඊයේ (30) රාත්රියේදී ප්රිය සාදයක් පැවැත්වීම හේතුවෙන් රූපලාවන්ය ශිල්පී චන්දිමාල් ජයසිංහ සහ මෝස්තර නිරූපණ ශිල්පිනි පියුමි හංසමාලි මීට සුළු වේලාවකට පෙර අත්අඩංගුවට ගෙන තිබේ.
මේ සිදුවීම සම්බන්ධයෙන් විමර්ශන පැවැත්වීමේ දී එම සාදයට පැමිණි 12දෙනෙකු පමණ මේ වන විට හඳුනාගෙන තිබේ.
මේ අතර එම සාදයට පුද්ගලයින් 25 -30 ත් අතර ප්රමාණයක් පැමිණ ඇතැයි පොලිස් විමර්ශනවලදී අනාවරණය වු පොලිස් මාධ්ය ප්රකාශක අජිත් රෝහණ මහතා පැවසීය.
සෙසු පිරිස හඳුනාගැනීමට CCTV දර්ශන මේ වන විට පරීක්ෂා කරමින් සිටින බවත් පැවසු පොලිස් මාධ්ය ප්රකාශකවරයා, අත්අඩංගුවට පත් සැකකාරිය හා සැකකරු කොළඹ අලුත්කඩේ මහෙස්ත්රාත් අධිකරණය වෙත ඉදිරිපත් කිරීමට නියමිත බව ද කියා සිටියේය.
කෙසේවෙතත් මෙහිදී පැන නගින ප්රධාන ප්රශ්නය වී ඇත්තේ සියලු හෝටල් වසා දමා සංචරණ නීති පනවා තිබියදී ෂැංග්රිලා හෝටලය මෙවැනි සාදයක් පැවැත්වීම සදහා අවසර ලබා දීමය.
ඒ සම්බන්ධයෙන් ෂැංග්රිලා හෝටලයේ ප්රධානීන්ගෙන්ද ප්රශ්න කළ යුතු බව මේ සම්බන්ධයෙන් අදහස් දක්වන බොහෝ දෙනාගේ් මතය වී තිබේ.
ෂැංග්රිලා හෝටලෙයේ හිමිකරු වන්නේ කුප්රකට සීනි වංචාව සම්බන්ධයෙන් චෝදනා එල්ල වී ඇති සජාඩ් මව්සූන් මහතාය.
