සමාගම්වල කටයුතු වගවීමට සහ වගකීමට ලක්වන යෝජනා ඉදිරිපත් වන අවස්ථාවේ සමාගම් හරහා සිදුවන අකටයුතුකම් 02ක් ගැන කරුණු ඉදිරිපත් කරන බවත් ත්රීකුණාමල දිස්ත්රික්කයේ නගර සහ කඩවත් සතර ප්රාදේශීය ලේකම් බල ප්රදේශයේ නහරවෙට්ටුවාන් මත්යවේලි මුත්තු නගර් යන ගම් 3 පවුල් 1000ක් වසර 53ක් පුරා එනම් 1972 සිට අක්කර 800ක වී බඩඉරිගු එළවළු රටඉදි ආදී වගාවන් සිදු කරන බවත් 2023 සිට මේ වගා කරන අයට නොයෙකුත් බාධා පැමිණ ඇති බවත් 2024 අගොස්තු සිට නඩු දාලා 2025 පෙබරවාරි සිට අධිකරණ නියෝග හරහා මෙම ගොවීන් වසර 53ක් වගා කළ ඉඩම්වලින් බලහත්කාරයෙන් ඉවත් කර ඇති බව විපක්ෂ නායක සජිත් ප්රේමදාස මහතා අද පාර්ලිමේන්තුවේදි පැවසීය.Sri Lanka Latest News
විපක්ෂ නායක සජිත් ප්රේමදාස මහතා විසින් ක්රියාත්මක කරන Citizen Voice වැඩසටහන සදහා ඊයේ (22) දින ත්රිකුණාමල දිස්ත්රික්කයේ මෙම ගොවි ඉඩම්වල වගා කටයුතු කරන ගොවියන් පැමිණ මෙම ඉඩම් ගැටලුව ඉදිරිපත් කළේය. ඒ අනුව එම ගැටලුව අද පාර්ලිමේන්තුවේ අවධානය යොමු කිරීමට විපක්ෂ නායක සජිත් ප්රේමදාස මහතා කටයුතු කළේය.
මේ වසර 53ක කාලයේ දී ඔප්පු පවා ඉල්ලා සිටියත් ඒවා නොදී වගා කළ ඉඩම්වලින් ගොවියා ඉවත් කර අක්කර 200ක සූර්ය බලශක්ති බලාගාරයක් ස්ථාපිත කරන්න කටයුතු කර ඇති බවත් ඒ නිසා වසර 53ක් වගා කටයුතු කළ ගොවියන් අන්ත අසරණ වී ඇති බවත් එම ඉඩම්වල බුක්තිය ගොවියාට ඇති බවත් සූර්ය බලශක්තිය ප්රවර්ධනය විය යුතු වුවත් ගොවියා ආරක්ෂා විය යුතු බවත් සූර්ය බලශක්තිය ප්රවර්ධනය නොවන්න ගොවිය යුතු මිල ද මේ රජය අඩු කර ඇති මොහොතක මේ ව්යාපෘතියට ඉඩම් වෙන් කර ගොවියා අසරණ කිරීම අසාධාරණ බවත් විපක්ෂ නායකවරයා පැවසීය.
මෙම ගොවියන්ට පොහොර සහනාධාරය, වගා ණය ආදිය ලැබී ඇති බවත් පසුගිය මැතිවරණ සමයේ ත්රිකුණාමල දිස්ත්රික්කයේ රජයේ මන්ත්රීවරුන් මෙම වගාබිම් ආරක්ෂා කරන බවට පවසා ඇති බවත් වැව් 4ක් ඇති මෙම ප්රදේශයේ මේ වන විට එක වැවක් විනාශ කර ඇති බවත් වසර 53ක් වගා කළ පවුල් 1000ක අක්කර 800ක් එක පෑන් පාරින් ඉවත් කර සූර්ය පැනල ස්ථාපිත කරන ව්යාපාර 02කට අත්තනෝමතික ලෙස ඉඩම් ලබා දී ඇති බවත් මෙම ව්යාපාර හිමියන් ගොවියන්ව පොලිසියට ගෙනවිත් බිය වද්දවා ඇති බවත් විපක්ෂ නායකවරයා පැවසීය.
ඉදිරි කන්නයේ වගා කටයුතු කිරිමට මේ අයට නොහැකි නිසා වන්දි හිමිවිය යුතු බවත් ඊට අමතරව ඉතිරි ඉඩම්වලට බලපත්ර ලබා දිය යුතු බවත් එසේම වාරි පෝෂිත ඉඩම් ලබා දිය යුතු බවත් මේ ගොවිබිම් උදුරා නොගත යුතු බවත් සමාගම් තමන්ගේ මුදල් බලය මැර බලය උපයෝගී කර ගෙන කටයුතු කර ඇති බවත් විපක්ෂ නායකවරයා පැවසීය.
ගොවියන් ඉදිරිපත් කර ඇති කරුණු අනුව 1972 සිට භාවිත කර ඇති බවත් 2023 සිට ගොවිබිම්වලට හානිකර තත්ත්වයක් නිර්මාණය වී ඇති බවත් එම නිසා මේ ගැටලුවට විසඳුමක් ලබා දෙන ලෙසත් විපක්ෂ නායකවරයා මෙහි දී පැවසීය.
විපක්ෂ නායක සජිත් ප්රේමදාස මහතා මෙම ගැටලුව පාර්ලිමේන්තුව හමුවේ ඉදිරිපත් කරන විට ආණ්ඩු පක්ෂයේ මැති ඇමතිවරුන් එම ගැටලුව ඉදිරිපත් කිරීමට ඉඩ නොදී බාධා කිරීම් ද සිදු කළේය.
