මතුගම කටුගහහේන ප්රාදේශීය රෝහලේ සේවය කළ වෛද්යවරුන් තිදෙනකු අසනීප වීම නිසා එම රෝහලේ නේවාසික ප්රතිකාර නතර කිරීමට තීරණය කර ඇත. (Sri Lanka Latest News)
මෙම රෝහලේ වෛද්යවරුන් පස්දෙනකුගෙන් සමන්විත වුවද ඉන් එක් වෛද්යවරියක් ස්ථාන මාරුවීම් ලබා ගොස් ඇති අතර, තවත් වෛද්යවරියක් සේවයෙන් ඉවත් වන බවට ලිපියක් ලබාදී තිබේ.
තවත් වෛද්යවරියක් සහ වෛද්යවරයෙක් අසනීප නිවාඩු දමා ඇත.
වෛද්යවරුන් සිවුදෙනකුගේ සේවය දින 9ක් පුරා දිවා රාතී නොකඩවා සිදුකළ ප්රධාන වෛද්ය රංජිත් දිසානායකද අසනීප වී පසුගිය 16 වැනිදා නාගොඩ රෝහලට ඇතුළත් කර තිබේ.
මේ නිසා බාහිර රෝගී අංශයේ පමණක් වෛද්ය ප්රතිකාර සිදුකරන අරත, නේවාසික ප්රතිකාර නතර කිරීමට සිදුව ඇත.
කළුතර ප්රාදේශීය සෞඛ්ය සේවා අධ්යක්ෂ වෛද්ය රසාංජලී හෙට්ටිආරච්චි ප්රකාශ කළේ මෙම රෝහලේ නේවාසික ප්රතිකාර තාවකාලිකව නැවැත්වූ බවයි.
කෙසේ වෙතත් මේ වන විට රෝහලේ බාහිර රෝගී අංශයේ දිනකට රෝගීන් 150ක් පමණ ප්රතිකාර ලබන බව වාර්තා වේ.
aruna
