වසර 11ක් කන්න 22ක් ආශ්රය කර ගෙන බතලේගොඩ පර්යේෂණ මධ්යස්ථානය විසින් වී වගාවට රසායන හා කාබනික පොහොර භාවිතය ගැන පර්යේෂණයක් කර ඇති බවත් මෙහි දී කාබනික වී වගාවේ අස්වැන්න දළ වශයෙන් සියයට 21 සිට 31 දක්වා අඩුවන බවට නිගමනය වී ඇති බවත් මේ තත්ත්වය තුළ මෙවන් පර්යේෂණවල නිගමනයන් රාජ්ය ප්රතිපත්ති සම්පාදනය සඳහා යොමු නොකරන්නේද කියා විපක්ෂ නායක සජිත් ප්රේමදාස මහතා ප්රශ්න කර සිටියේය.Sri Lanka Latest News
විපක්ෂ නායක සජිත් ප්රේමදාස මහතා මේ බව කියා සිටියේ ඊයේ (22) සවස පාර්ලිමේන්තුවේ දී කෘෂිකර්මාන්තය සම්බන්ධ ආංශික කාරක සභාව රැස්වූ අවස්ථාවේදීය.
මෙවැනි පර්යේෂණවල නිගමන හා ප්රතිඵල ප්රතිපත්ති සම්පාදනය කරන ස්ථානවලට යන්නේ නැත්තේ ඇයිද කියා විපක්ෂ නායකවරයා ප්රශ්න කර සිටියේය.
එසේ ම අප රටේ කෘෂිකර්මාන්තය රැක ගෙන යාවත්කාලීන හා නූතනවාදී කර නව තාක්ෂණයෙන් සන්නද්ධ කළ යුතු බවත් සුහුරු කෘෂිකර්මාන්තය ගැන අධ්යයනය කර එයට අනුගත විය යුතු වැඩපිළිවෙළ ගොවිජනතාවට ගෙන යාමට වැඩපිළිවෙළක් සකස් කර ඇත් ද යනුවෙන්ද ප්රශ්න කර සිටියේය. එමෙන්ම සුහුරු කෘෂිකර්මානය යටතේ ජල සම්පතේ සීමා පැනවෙන කොට උස්සාන ජල යෝජනා ක්රම, බිංදු ජල යෝජනා ක්රම ආදිය යොදා ගත හැකි බවත් එවැනි නව ක්රමවේද බිම්මට්ටම ගෙන යාමට ඇති වැඩපිළිවෙළ සම්බන්ධයෙන් ප්රශ්න කර සිටියේය.
එමෙන්ම කෘෂිකර්මාන්තය දළ දේශීය නිෂ්පාදිතයට ලබා දෙන දායකත්වය ක්රම ක්රමයෙන් අඩු වී ඇති නමුත් ශ්රම බලකායෙන් විශාල කොටසක් එනම් සියයට 20කට ආසන්න ප්රමාණයක් කෘෂිකර්මාන්තයේ නියැලෙන බවත් මේ තත්ත්වය තුළ කෘෂිකර්මාන්තය වඩාත් කාර්යක්ෂම කිරිම ජාතික වැඩපිළිවෙළක් අවශ්ය බවත් ඒ සදහා මෙම පර්යේෂණවල දත්ත කරුණු හා තොරතුරු වැදගත් බවත් විපක්ෂ නායකවරයා මෙහි දී කියා සිටියේය.
