රාජ්ය අමාත්ය ප්රසන්න රණවීරගේ ප්රධානත්වයෙන් කැලණිය ප්රාදේශීය ලේකම් කාර්යාලය අසල පැවැත්වීමට නියමිතව තිබූ රැස්වීමකට සහභාගීවීමේ අපේක්ෂාවෙන් දිප්පිටිගොඩ 6 කණුව ආසන්නයේ රැඳී සිටි තිදෙනකුට අද සවස යතුරුපැදියකින් පැමිණි නාඳුනන පුද්ගලයන් දෙදෙනකු වෙඩි තබා තිබෙනවා. එල්ල කළ වෙඩි ප්රහාරයෙන් එම තිදෙනාම තුවාල ලබා කොළඹ ජාතික රෝහලට ඇතුළත් කර ඇතැයි පොලිසිය කියනවා. Sri Lanka Latest News
තරංග නැමැත්තෙකු ඉලක්ක කර ගනිමින් මෙම වෙඩි ප්රහාරය එල්ල කර ඇති බවයි කියන්නේ. එහිදී ඔහු සමඟ රැඳී සිටි තවත් දෙදෙනෙකුටද වෙඩි වැදී ඇති බවයි වාර්තා වන්නේ.
තරංග නැමැත්තා මත්ද්රව්ය ජාවාරමකට සම්බන්ධ යැයි කියමින් සැකපිට පොලිස් අත්අඩංගුවට ගෙන කලක් රිමාන්ඩ් බාරයේ සිට අයෙක්. එසේ අත්අඩංගුවට ගෙන ඇති ඔහු 2021 වසරේ දී අධිකරණය මගින් ඇප මත මුදා හැර තිබෙනවා.
රාජ්ය අමාත්ය ප්රසන්න රණවීරගේ රැස්වීමට යෑමට ඔහුගේ මිතුරන් දෙදෙනකු සහ තවත් කිහිප දෙනකු එනතෙක් රැඳී සිටි අතරවාරයේ යතුරුපැදියකින් පැමිණි පුද්ගලයන් දෙදෙනකු වෙඩි තබා ඇත්තේ ටී 56 ගිනි අවියකින් බවයි වාර්තා වන්නේ. වෙඩි ප්රහාරය එල්ල වනවාත් සමඟ දිවි බේරා ගැනීම සඳහා දිව යද්දී පසුපස පන්නාගෙන ආ වෙඩික්කරුවන් යළි යළිත් වෙඩි තබා ඇති බව පැවසෙනවා. එම ස්ථානය අවට හිස් උණ්ඩ පහළොවක් පමණ විසිරී තිබී පොලිසියට හමුවී තිබෙනවා.
