පාර්ලිමේන්තු මන්ත්රී දයාසිරි ජයසේකර සහ හිටපු පාර්ලිමේන්තු මන්ත්රී උදය ගම්මන්පිල විසින් චෝදනා කරන රේගු පරීක්ෂාවකින් තොරව නිදහස් කර ඇති කන්ටේනර් 323 පිළිබඳ විමර්ශනයක් ඉල්ලා අපරාධ පරීක්ෂණ දෙපාර්තමේන්තුව වෙත පැමිණිල්ලක් ඉදිරිපත් කර තිබේ.Sri Lanka Latest News
එම කන්ටේනර් නිදහස් වීමෙන් පසු රටේ අපරාධ වැඩි වී ඇති බවට ඔවුන් පවසන්නේ ඔවුන් කුමන හෝ කරුණු ඒ පිළිබඳ දන්නා විය හැකි බවත් ඔවුන් කරන චෝදනා සම්බන්ධයෙන් පරීක්ෂණයක් කිරීමට අදාළ ආයතන වෙත පැමිණිල්ලක් හෝ කර නොමැති නිසා ඔවුන් පවසන දේ සත්යද කියා තහවුරු කර ගැනීමේ අවශ්යතාව පවතින බවයි උක්ත පැමිණිල්ල ඉදිරිපත් කළ නීතිඥ නලින් සම්පත් කුමාර මහතා පැවසුවේ.
ඒ අනුව දයාසිරි ජයසේකර සහ උදය ගම්මන්පිල යන අයගෙන් අදාළ තොරතුරු ගෙන සාධාරණ නිදහස් පරීක්ෂණයක් සිදුකරන ලෙස අපරාධ පරීක්ෂණ දෙපාර්තමේන්තුවෙන් ඉල්ලා සිටි බවයි මහතා සඳහන් කළේ.
උක්ත සිදුවීම ගැන සත්ය දැන ගැනීමේ අයිතියක් පුරවැසියන්ට ඇති බවද ඔහු පවසයි.
මෙවැනි චෝදනා රටේ ආර්ථික, දේශපාලන වශයෙන් පවා ගැටළු සහගත ලෙස බලපාන හෙයින් එවැනි තත්ත්වයන් ගැන විධිමත් පරීක්ෂණයක් සිදුවිය යුතු බවද ඔහු අවධාරණය කරයි.
