කොළඹ – අවිස්සාවේල්ල ලෝ ලෙවල් මාර්ගයේ නවගමුව රණාල සුදවිල ප්රදේශයේ දී පාසල් ළමුන් රැගෙන ගිය සිසු සැරිය ලංගම බස් රථයක පෞද්ගලික බස් රථයක් ගැටීමෙන් අද (28) උදෑසන සිදු වූ රිය අනතුරින් තුවාල ලැබූ පාසල් සිසුන් තිදෙනෙකු කොළඹ රිජ්වේ ආර්යා ළමා රෝහලට ඇතුලත් කල බව නවගමුව පොලිසිය පවසයි. (Sri Lanka Latest News)
අනතුරින් තුවාල ලැබූ එක් ශිෂ්යයෙකුගේ තත්වය බරපතල බවත් අනිත් සිසුන් දෙදෙනාටද තුවාල සිදුව ඇතැයිද කොළඹ ආනන්ද විද්යාලයේ ඉගෙනුම ලබන සිසුන් රැගත් බස් රථයක් මෙලෙස අනතුරට ලක්ව ඇතැයි ද පොලිසිය පවසයි.
කොළඹ සිට හැටන් බලා ධාවනය වූ ලංකා ගමනාගමන මණ්ඩලයට අයත් බස් රථයක් පසුකර යාමට උත්සාහ කල කොළඹ සිට හම්බන්තොට බලා ධාවනය වූ පෞද්ගලික බස් රථයක් අවිස්සාවේල්ල සිට කොළඹ ආනන්ද විද්යාලයට පාසල් සිසුන් රැගෙන යමින් තිබූ ලංගම බස් රථයක ගැටීමෙන් මෙම අනතුර සිදුව ඇති බවත් එම අවස්ථාවේදී පාසල් ළමුන් රැගෙන යමින් සිටි බස් රථය මාර්ගය අසල තිබූ අධිබලැති විදුලි කණු දෙකක වැදී නතරව ඇතැයි ද පොලිසිය පවසයි.
අනතුරට සම්බන්ධ කොළඹ සිට හැටන් බලා ධාවනය කරමින් සිටි ලංකා ගමනාගමන මණ්ඩලයේ බස් රථයේ රියදුරු සහ කොළඹ සිට හම්බන්තොට බලා ධාවනය කල පෞද්ගලික බස් රථයේ රියදුරු යන රියදුරන් දෙදෙනාම අත් අඩංගුවට ගත් බවත් එම සැකකරුවන් දෙදෙනා කඩුවෙල මහේස්ත්රාත් අධිකරණය වෙත ඉදිරිපත් කිරීමට කටයුතු කරන බවත් නවගමුව පොලිසියේ උසස් නිළධාරියෙකු පැවසීය.
නවගමුව පොලිසියේ රථ වාහන අංශයේ ස්ථානාධිපති උප පොලිස් පරීක්ෂක සුනිල් මහතා පරීක්ෂණ පැවැත්විය.
newscenter
