ආර්ථික අර්බුදය නිසි පරිදි කළමනාකරණය කර නොගතහොත් භයානක උවදුරක් ඇති විය හැකි බව මුදල් අමාත්ය අලි සබිරි මහතා පාර්ලිමේන්තුවේ දී විශේෂ ප්රකාශයක් කරමින් පැවසීය.
ආර්ථික අර්බුදයේ බරපතලකම ගැන එළියේ සිටින අයට හරි අවබෝධයක් තිබේ යැයි තමා නොසිතන බව කී මුදල් අමාත්යවරයා පක්ෂ පාට වලට බෙදී සටන් කරනවා වෙනුවට කඩා වැටෙමින් තිබෙන ආර්ථිකය නගා සිටුවීම සඳහා යම් ප්රමාණයකින් හෝ දායකත්වය දැක්වීමට සියලු පක්ෂවලට ජාතික වගකීමක් තිබෙන බවද කීය.
ජාත්යන්තර මූල්ය අරමුදලේ සාකච්ඡා වල ප්රගතිය පිළිබඳ වාර්තාව සියලු පාර්ලිමේන්තු මන්ත්රීවරුන්ට බෙදා දීමට කටයුතු කර තිබෙන බවද නිදහසින් පසු බරපතළම ආර්ථික අර්බුදයට රට මුහුණ දෙමින් සිටින බවද මුදල් අමාත්යවරයා සඳහන් කළේය.
එමෙන්ම පසුගිය කාලයේදී සිදුවූ බදු කපා හැරීම හේතුවෙන් බරපතළ වැරැද්දක් සිදුවූ බවද ඇමැතිවරයා කියා සීටියේය.
එමෙන්ම නියමිත අවස්ථාවේ ජාත්යන්තර මූල්ය අරමුදලට නොයෑමද වැරැද්දක් බව කී ඒ මහතා රුපියල නියමිත අවස්ථාවේදී පා නොකර ඩොලරය අල්ලාගෙන සිටීමද සිදුකළ වැරැද්දක් බව පෙන්වා දුන්නේය.
