2024.02.20 වන දින දිවයින පුරා සිදුකරන ලද මෙහෙයුම් වලදී බස්රථ වල කාන්තාවන්ට ලිංගික හිරිහැර සිදුකිරීම සම්බන්ධයෙන් සැකකරුවන් 01 ක් සහ බස්රථ වල ගැටකපන්නන් ඇතුළු සැකපිට පුද්ගලයින් 22 දෙනෙකු සමගින් මුළු සැකකරුවන් 23 ක් අත්අඩංගුවට ගෙන ඇති බව පොලිස් මුලස්ථානය සදහන් කරයි.Sri Lanka Latest News
පොදු ප්රවාහන සේවා වලදී ළමයින්ට හා කාන්තාවන්ට විවිධ ලිංගික හිංසනයන් සිදුවන බවට දෛනිකව පොලිස් ස්ථාන වලට වාර්තාවන පැමිණිලි සැලකිල්ලට ගනිමින් මහජන ආරක්ෂක අමාත්ය ටිරාන් අලස් මැතිතුමාගේ වැඩබලන පොලිස්පති දේශබන්දු තෙන්නකෝන් මහතාගේ උපදෙස් පරිදි දිවයින පුරා තවදුරටත් මෙම විශේෂ මෙහෙයුම ක්රියාත්මක කරනු ලබයි.
මේ අතර දිවයින පුරා සිදුකළ මෙහෙයුම් වලදී මත්ද්රව්ය වැරදි සම්බන්ධ සැකකරුවන් 561 ක් සහ අපරාධ අංශ වෙත යොමු කළ ලැයිස්තුවේ සිටි සැකකරුවන් 144 ක් සමගින් මුළු සැකකරුවන් 705 දෙනෙකු අත්අඩංගුවට ගෙන ඇත.
හෙරොයින් 190g 792mg
අයිස් 69g 727 mg
ගංජා 04kg 296g
ගංජා පැළ 711
මාවා 01kg 34g
මදන මෝදක 02kg 173g
මත්පෙති 305
මත්ද්රව්ය වැරදි සම්බන්ධ අත්අඩංගුවට ගත් සැකකරුවන් 561 දෙනා අතර, පොලිස් මත්ද්රව්ය නාශක කාර්යංශය සහ පොලිස් විශේෂ කාර්යංශයේ ලැයිස්තුවේ සිටි සැකකරුවන් 06 ක්, පුනරුත්තාපන මධ්යස්ථාන වෙත යොමු කරන ලද සැකකරුවන් 03 ක් සහ රැදවුම් නියෝග මත රඳවා ගෙන විමර්ශනය සිදුකරන පුද්ගලයින් 01 ක් සිටි.
එසේම, අපරාධ අංශ වෙත යොමු කළ ලැයිස්තුවේ අත්අඩංගුවට ගත් සැකකරුවන් 144 දෙනා අතරින් මත්ද්රව්ය වැරදි සම්බන්ධව විවෘත වරෙන්තු නිකුත්ව සිටි සැකකරුවන් 13 ක්, මත්ද්රව්ය නොවන වැරදි සම්බන්ධව විවෘත වරෙන්තුකරුවන් 122 ක් සහ අපරාධ වලට අවශ්ය කරන සැකකරුවන් 07 ක් හා ඇඟිලි සළකුණු ඔස්සේ අනාවරණය වි ඇති සැකකරුවන් 02 ක් සිටි.
