ලංකා විදුලිබල මණ්ඩලයේ සේවක සේවිකාවන් ලෙඩ නිවාඩු දමා වෘත්තිය සමිති ක්රියාමාර්ගයක් ආරම්භ කිරීමට සූදානම් වන බව වෘත්තිය සමිති නායකයෝ ඊයේ (14 වැනිදා) පැවැසූහ. ඒ ලංකා විදුලිබල මණ්ඩලය කොටස් කර සමාගම් කිහිපයක් බවට පත්කිරීමට ආණ්ඩුව ගෙන ඇති තීරණයට විරෝධය පළ කරමිනි.Sri Lanka Latest News
ආණ්ඩුවේ තීරණයට විරෝධය පළ කරමින් වෘත්තීය සමිති මීට සතියකට පෙර සිට ආරම්භ කළ අකුරට වැඩ කිරීමේ වෘත්තීය සමිති ක්රියාමාර්ගය තවදුරටත් ක්රියාත්මකය.
ඉදිරි වෘත්තීය සමිති ක්රියාමාර්ග ගැන සාකච්ඡා කිරීමට වෘත්තීය සමිති විසිපහක විධායක සභා සාමාජිකයෝ ඊයේ (14 වැනිදා) පස්වරුවේ වෙන වෙනම රැස්වූහ. එහිදී ගත් තීරණය ඒකාබද්ධ වෘත්තීය සමිති සම්මේලනයට ඉදිරිපත් කළ අතර එහි විධායක කමිටුව ඊයේ (14 වැනිදා) රාත්රියේ රැස්වී අවසන් තීන්දුව ගැනීමට නියමිතව තිබිණි. ලංකා විදුලිබල මණ්ඩලයේ සේවකයන් දැනට ආරම්භ කර ඇති අකුරට වැඩ කිරීමේ වෘත්තීය සමිති ක්රියාමාර්ගයට හෙට (16 වැනිදා)වන විට සාදනීය ප්රතිචාරයක් නොලැබුනහෙත් අනිද්දා (17 වැනිදා) සිට ලෙඩ නිවාඩු වාර්තා කිරීමට වෘත්තීය සමිති විධායක සභා සාකච්ඡාවලදී යෝජනා වී තිබේ.
්කෙසේ වෙතත් අද (15 වැනිදා) පස්වරු 4.15 සිට සිදුවන විදුලිය බිඳ වැටීම් යාවත්කාලීන කිරීම සඳහා සේවක මැදිහත්වීමද සීමා කෙරෙන අතර ඇතැම් අමතර රාජකාරිවලින් ඉවත් වීමටද වෘත්තීය සමිති තීරණය කර ඇත. ලංකා විදුලිබල මණ්ඩලයේ ඉංජිනේරුවන්, තාක්ෂණ ශිල්පීන් ඇතුළු විවිධ ක්ෂේත්රවල සේවක සේවිකාවෝ විසිදහසක් පමණ මෙම වෘත්තීය සමිති ක්රියාමාර්ගයට අවතිර්ණ වී සිටිති.
දිවයින පුරා රෝහල් ඇතුළු අත්යවශ්ය සේවා කටයුතු සඳහා සේවක මැදිහත්වීම තවදුරටත් එලෙසම ක්රියාත්මකය. මේ අතර ලංකා විදුලිබල මණ්ඩලයේ ජනතා විමුක්ති පෙරමුණට අයත් වෘත්තීය සමිතිය වන ලංකා විදුලි සේවක සංගමය මෙම වෘත්තීය ක්රියාමාර්ගය වර්ජනය කර තිබේ. එම සංගමයේ හිටපු සභාපති කඩුවෙල මහ නගර සභාවේ නගරාධිපති රන්ජන් ජයලාල් කොළඹ පැවැති මාධ්ය හමුවකදී පැවැසුවේ තමන්ට විදුලිබල මණ්ඩලයේ වැඩ අදාළ නැති බවයි.
