ආර්.එෆ්.එම්.සුහෙල් – නුවරඑළිය
2015 දී පසුගිය යහපාලන රජය සමයේදී ජාතික මැණික් හා ස්වර්ණාභරණ අධිකාරිය විසින් සිදු කරන ලද මැණික් කැණීම හේතුවෙන් ප්රදේශයේ පශු සම්පත් ගොවීන් විශාල වශයෙන් පීඩාවට පත්ව ඇති බව පවසමින් බොගවන්තලාව ෂෙපර්ඩන් ප්රදේශයේ ජනතාව මැසිවිලි නගයි,Sri Lanka Latest News
අදාළ ප්රදේශයේ සිදු කරන ලද මැණික් කැණීම වතු පරිපාලනය සහ ජාතික මැණික් හා ස්වර්ණාභරණ අධිකාරිය අතර ගිවිසුමක් යටතේ සිදු කරන ලද නමුත් කැණීම් කටයුතු අවසන් වී වසර දහයක් ගතවී ඇතත් මෙම පතල් වසා දැමීමට කිසිවෙකු තවමත් පියවර ගෙන නොමැති බවට පශු සම්පත් ගොවීන් විරෝධතා දක්වයි.
අධික වර්ෂාව අතරතුර කෙසල්ගමුව ඔයේ ගංවතුර ජලය ඉහළ යන විට ගව අභිජනනය කරන්නන්ට තණකොළ ගබඩා කිරීමට නොහැකි බවත් ප්රදේශයේ විශාල උමං මාර්ග හතක් ඇති බවත් ඔවුන් සඳහන් කරයි.
මේ අතර යහපාලන රජය සමයේ අග්රාමාත්යවරයා ලෙස කටයුතු කළ රනිල් වික්රමසිංහ මහතා බොගවන්තලාව ප්රදේශයේ ක්ෂේත්ර සංචාරයකදී පොරොන්දුවක් ලබා දෙමින් එම ප්රදේශයෙන් හමුවන මැණික් පතල් පස්වලින් පුරවා බොගවන්තලාව ඩයන්සි සිට සෙපල්ටන් දක්වා ගොල්ෆ් පිටියක් ඉදිකරන බව පැවසීය.
යහපාලන රජයෙන් පසු ආණ්ඩු දෙකක් කිසිදු ක්රියාමාර්ගයක් ගෙන නොමැති බැවින, මෙම ප්රදේශයෙන් හමු වූ මැණික් පතල් ගොඩකර මෙම ප්රදේශය සඳහා සංවර්ධන ව්යාපෘති ඉදිරියට ගෙන යන ලෙස ප්රදේශයේ ජනතාව ජාතික ජන බලවේග රජයෙන් ඉල්ලා සිටිති.
