හිටපු ජනාධිපති මෛත්රීපාල මහතා, හිටපු අගවිනිසුරු මොහාන් පීරිස් මහතා එම තනතුරින් ඉවත් කර ඇත්තේ ආණ්ඩුක්රම ව්යාවස්ථාවට සහ පාර්ලිමේන්තුවේ ස්ථාවර නියෝගවලට සම්පූර්ණයෙන්ම පටහැනිව යැයි අධිකරණ ඇමැති ජනාධිපති නීතිඥ අලි සබ්රි මහතා පවසයි.
පාර්ලිමේන්තු මන්ත්රී ප්රමිත බණ්ඩාර තෙන්නකෝන් මහතා යොමු කර තිබූ ප්රශ්නයකට පිළිතුරු ලබා දෙමින් අමාත්යවරයා මේ බව කීය.
අගවිනිසුරු ඉවත් කිරීම ජනාධිපතිවරයකු හිතෙන හිතෙන විධියට කළ නොහැකි බවත් එය කළ යුත්තේ පාර්ලිමේන්තුවේ ක්රියාවකින් පමණක් බවත් ඇමැතිවරයා කියා සිටියේය.
සිදුවූ එම වරද වහා නිවැරදි කළ යුතු බව කී සබ්රි මහතා අගමැතිවරයා සමග සාකච්ඡා කර ඒ සම්බන්ධයෙන් පසු පියවර ගන්නා බව ද පවසයි.
හිටපු ජනාධිපති මහින්ද රාජපක්ෂ මහතා විසින් 2013 වර්ෂයේ ජනවාරි 15 වැනි දා මොහාන් පීරිස් මහතා අගවිනිසුරු ධූරයට පත් කරනු ලැබූ බවත් හිටපු ජනාධිපති මෛත්රීපාල සිරිසේන මහතා 2015 වර්ෂයේදී මොහොන් පීරිස් මහතා එම පත්වීම අවලංගු හා බලශූන්ය කළ බවත් ඇමැතිවරයා සඳහන් කරයි.
