ජාතික ආණ්ඩුවක් පිහිටුවීම සඳහා වන යෝජනාව එළැඹෙන 25 වන දා ජනාධිපති රනිල් වික්රමසිංහ මහතා විසින් පාර්ලිමේන්තුවට ඉදිරිපත් කරනු ඇති බවත්, අනතුරුව තමන් සහ රවුෆ් හකීම් මහතා එක්ව ජාතික ආණ්ඩුවට එක්වන ලෙසට විපක්ෂයට ආරාධනා කරන බවටත් යම් යම් මාධ්යවල පළව ඇති පුවත සම්පූර්ණයෙන්ම අසත්යයක් බව දෙමළ ප්රගතිශීලී සන්ධානයේ නායක පාර්ලිමේන්තු මන්ත්රි මනෝ ගනේෂන් මහතා සඳහන් කරයි.
ට්විටර් පණිවුඩයක් තබමින් ඒ මහතා පෙන්වා දී ඇත්තේ එම පුවත තමන් සම්පූර්ණයෙන්ම ප්රතික්ෂේප කරන බවත්, මෙය ප්රබන්ධයක් බවත්ය.
1/2: I totally deny the contents of the unscrupulous news item quoting me that I would jointly put forward a proposal to form a national government in Parliament on April 25. This "news" is fabrication & falsehood. #ManoGanesan pic.twitter.com/TnttHIYNUT
— Mano Ganesan (@ManoGanesan) April 19, 2023
මනෝ ගැන කියපු හිරු පුවත
සී නිව්ස් පුවත
ජාතික ආණ්ඩු යෝජනාව ජනාධිපති 25 ගේනවා.. මා හකීම් සමග තීරණයක් ගන්නවා..
April 19, 2023 at 9:20 am | lanka C news
ජාතික ආණ්ඩුවක් පිහිටුවීම සඳහා වන යෝජනාව එළැඹෙන 25 වන දා ජනාධිපති රනිල් වික්රමසිංහ මහතා විසින් පාර්ලිමේන්තුවට ඉදිරිපත් කරනු ඇතැයි දෙමළ ප්රගතිශීලී සන්ධානයේ නායක පාර්ලිමේන්තු මන්ත්රි මනෝ ගනේෂන් මහතා සඳහන් කරයි.
ජනාධිපතිවරයා විසින් ජාත්යන්තර මූල්ය අරමුදලෙන් ණය පහසුකම ලබාගැනීමට ඇති කරගත් කොන්දේසි හා ගිවිසුම එදින පාර්ලිමේන්තුවට ඉදිරිපත් කිරීමට නියමිත බවත් ඉන් අනතුරුව මෙම යෝජනාව පාර්ලිමේන්තුවට ඉදිරිපත් කරන බවත් මන්ත්රීවරයා කියා සිටියේය.
එහිදී තමන් හා ශ්රී ලංකා මුස්ලිම් කොංග්රසයේ නායක පාර්ලිමේන්තු මන්ත්රී රවුෆ් හකීම් විසින් එම ජාතික ආණ්ඩුව පිහිටුවීම සඳහා විපක්ෂයේ සහයෝගය ඉල්ලා සිටීමට තීරණය කර ඇතැයිද මන්ත්රීවරයා තව දුරටත් පැවසීය.
