පොහොට්ටුවේ අපේක්ෂක ගෝඨාභය රාජපක්ෂ මහතාගේ පුරවැසිභාවය අභියෝගයට ලක්කරමින් ඉදිරිපත් කර තිබූ පෙත්සම සලකා බැලූ අභියාචනාධිකරණය එම පෙත්සම විභාගයට නොගෙනම ඒකමතිකව ප්රතික්ෂේප කිරීමට කටයුතු කළේය.
ශ්රී ලංකා පොදුජන පෙරමුණේ ජනාධිපති ධුර අපේක්ෂක ගෝඨාභය රාජපක්ෂ මහතා විධිමත් ලෙස ශ්රී ලාංකික පුරවැසිභාවය ලබාගත් අයකු නොවන බැවින් ශ්රී ලාංකිකයකු ලෙස ඔහු සතුව ඇති ගමන් බලපත්රයල ජාතික හැඳුනුම්පත සහ ද්විත්ව පුරවැසි සහතික පත්රය අවලංගු කරන සර්ටියෝරාරි රිට් ආඥාවක් නිකුත් කරන ලෙස ඉල්ලා ගොනු කර ඇති මෙම රිට් පෙත්සම සම්බන්ධයෙන් අභියාචනාධිකරණය මෙම නියෝගය නිකුත් කළේය.
අභියාචනාධිකරණයේ සභාපති විනිසුරු යසන්ත කෝදාගොඩ, අර්ජුන ඔබේසේකර සහ මහින්ද සමයවර්ධන යන මහත්වරුන්ගෙන් සමන්විත ත්රිපුද්ගල විනිසුරු මඩුල්ලක් විසින් මෙම තීන්දුව ලබා දෙන ලදී.
