“ඌරු ජුවා“ නමින් ප්රකට පාතාල සාමාජිකයා නවගමුවේදී පොලිස් වෙඩි ප්රහාරයකින් මරණයට පත්ව තිබේ.
මරණය ට පත්වී ඇති පුද්ගලයා මිනීමැරුම්, පැහැරගෙන යෑම්, කප්පම් ගැනීම් වැනි අපරාධවලට අවශ්යව සිටි කෙනෙකි.
ඊයේ දිනයේදී මෙම සැකකරු නවගමුව පොලිසිය විසින් අත්අඩංගුවට ගෙන ප්රකාශයක් සටහන් කර ගෙන ඇති අතර පසුව නවගමුව, වඳුරාමුල්ල ප්රදේශයට විමර්ශන කටයුත්තක් සඳහා රැගෙන ගොස් ඇති අතර එහිදී ඇතිවූ සිදුවීමකදී පොලිසිය විසින් වෙඩි තබා බලය පාවිච්චි කිරීමක් සිදුකර තිබෙන බව පොලිස් මාධ්ය ප්රකාශක අජිත් රෝහණ මහතා සඳහන් කළේය.
සිදුවීමෙන් තුවාල ලැබූ සැකකරු නවගමුව රෝහලට ඇතුලත් කිරීමෙන් පසු ජිවිතක්ෂයට පත්ව ඇති බවත් සිදුවීම සම්බන්ධයෙන් වැඩිදුර විමර්ශන සිදුකරනු ලබන බවත් පොලිස් මාධ්ය ප්රකාශක වැඩිදුරටත් ප්රකාශ කර සිටියේය.
ඔහුගේ සම්පූර්ණ නම වන්නේ මාඹුලගේ ඩිනේත් මෙලාන් මාඹුල වේ.
1994 දී ඔහු උපත ලබා තිබේ.
