රජයක් ලෙස හා ජනාධිපතිවරයකු ලෙස කිසිඳු වැඩක් නොකරන බවට මේවන විට මාධ්ය තුළින් සහ සමාජ මාධ්ය තුළින් සෑහෙන්න බැනුම් ඇසීමට සිදුව ඇති බව අගමැති මහින්ද රාජපක්ෂ මහතාගේ පුත් රෝහිත රාජපක්ෂ මහතා කියා සිටියේය.
එයට ප්රධාන හේතුව රජයක් ලෙස ඔවුන් කරන සේවය ගම්මාන තුළ කතාබහට ලක්වුවත් රට තුළ ප්රසිද්ධ නොවීම බවද වැඩිදුරටත් අදහස් දක්වමින් රාජපක්ෂ මහතා පැවසීය.
ජාතික ප්රජා ජල සැපයුම් දෙපාර්තමේන්තුවේ මූල්ය ප්රතිපාදන යටතේ නල්ලූර ප්රදේශයේදී ඉදිකෙරෙන පානිය ජල ව්යාපෘතියකට රෝහිත රාජපක්ෂ මහතාගේ ප්රධානත්වයෙන් ඊයේ දින (07) මුල්ගල තැබුණු අතර එහිදී හෙතෙම මෙම අදහස් පළ කළේය.
එහිදී වැඩිදුරටත් අදහස් දක්වමින් රෝහිත රාජපක්ෂ මහතා කියා සිටියේ සිය බිරිඳට දෙවැනි දරු උපත සිදුකිරීමට ඉතාමත් ආසන්න බවත්, පෞද්ගලික ජිවිතයේ කොපමණ වැඩකටයුතු තිබුණත් ජනතාවට සේවය කිරීමේ අවශ්යතාව ඇති නිසා එම කටයුතු පසක දමා මෙයාකාරයෙන් ගම්මානවලට පැමිණෙන බවත්ය.
