සතියක් ඇතුළත ඉන්ධන ලබා ගැනීම සදහා ඔමානය සමග ඩොලර් බිලියන 3.6ක ගිවිසුමක් අස්සන් කරන බවට බලශක්ති අමාත්ය උදය ගම්මන්පිල මහතා කළ ප්රකාශය අසත්යයක් බව මේ වනවිට ආනාවරණය වී තිබේ.
ගම්මන්පිල මහතා මේ බව පැවසුවේ ඔමාන සංචාරයක නිරත වීමෙන් අනතුරුව ඉකුත් 20 වැනිදා මෙරට පැවැති මාධ්ය හමුවකට එක්වෙමිනි.
කෙසේවෙතත් මෙම ණය කතාව සම්බන්ධයෙන් ඔමාන මාධ්ය ආයතනයක් වන අල්-විසාල් ආයතනය ඔමාන මුදල් අමාත්යංශයෙන් විමසීමක් කර ඇති අතර එහිදී මුදල් අමාත්යංශය නිවේදනය කර ඇත්තේ කිසිදු රටකට මුදල් පහසුකමක් ලබා දීමට එකග වී නැති බවකි.
කෙසේවෙතත් ගම්මන්පිල මහතා ණය ලැබෙන බවට කලින් ප්රකාශ කළේ මේ අයුරිනි.
ඕමානෙන් බිලියන 3.6ක ණයක් ලැබුණා! ලබන සතියෙ අස්සන් කරනවා! අවුරුදු 20කින් කැපෙනවා! තෙල් ගන්න පුළුවන් වෙනවා! ගම්මන්පිලගෙන් ජයග්රාහී ප්රකාශයක්!
ඉන්ධන මිලදී ගැනීම සඳහා ශ්රී ලංකාව සහ ඕමානය අතර ලබන සතියේ එක්සත් ජනපද ඩොලර් බිලියන 3.6ක ණය පහසුකම් ගිවිසුමකට අත්සන් ගැබීමට නියමිත බව බලශක්ති අමාත්ය උදය ගම්මන්පිල මහතා පැවසීය.
වසර 20 ක කාලයක් තුළ පියවීම සදහා මෙම ණය පහසුකම ලබා දෙන බව පැවසූ අමාත්යවරයා ණය පියවීම සඳහා වසර පහක සහන කාලයක් තිබෙන බවද පැවසීය.
සිදුවිය හැකි ඉන්ධන මිල සංශෝධනය ගැන විමසීමේදී ඔහු කියා සිටියේ ලංකා ඛනිජ තෙල් නීතිගත සංස්ථාව ඩීසල් ලීටරයක් සඳහා රුපියල් 35 ක් සහ පෙට්රල් ලීටරයක් සඳහා රුපියල් 18 ක පාඩුවක් ලබන බවයි.
