ඉන්ධන බලපත්ර ක්රමය හෙවත් QR ක්රමවේදය යටතේ ඉන්ධන ලබාදීමේ කටයුතු අද (25) දිනයේ දීත් තෝරාගත් ඉන්ධනහල් කිහිපයක පමණක් සිදුකිරීමට සැලසුම් කර තිබෙන බවයි කියන්නේ.
ඒ අද දිනයේ සිට මෙම ක්රමවේදය දිවයින පුරා ක්රියාත්මක කිරීමට මීට පෙර කර තිබූ සැලසුමෙන් ඉවත් වෙමින්.
දැනට පවතින තත්ත්වය යටතේ අද දිනයේ දීත් මෙය නියමු ව්යාපෘතියක් ලෙස ක්රියාත්මක වන බවයි තොරතුරු හා සන්නිවේදන තාක්ෂණ නියෝජිතායතනය (Information and Communication Technology Agency – ICTA) සඳහන් කරන්නේ.
ඊයේ දිනයේදී බලශක්ති අමාත්යවරයා පැවසුවේ අද සිට මෙම කේත ක්රමයට ඉන්ධන ලබාදෙන බවයි. වෙනකක් තබා ඒ පිළිබඳව කළ අත්හදා බැලීමද සාර්ථක වූ බවයි අමාත්යවරයා පැවසුවේ.
මෙම ක්රමය දිවයින පුරා ක්රියාත්මක කිරිම සඳහා තවත් දින කිහිපයක් ගතවනු ඇති බවයි මේ සම්බන්ධයෙන් අදහස් දක්වන තොරතුරු හා සන්නිවේදන තාක්ෂණ නියෝජිතායාතනයේ අධ්යක්ෂ දසුන් හෑගොඩ පවසන්නේ.
“මේ නියමු ව්යාපෘතියක් ලෙස අදියර කිහිපයකින් දිවයින පුරා ව්යාප්ත කිරීමට තමා අපේ අරමුණ තියෙන්නේ. එතකොට නියමු ව්යාපෘතියේ තෝරාගත් ස්ථාන කිහිපයක ක්රියාත්මක කරලා සාර්ථක වෙලා තියෙනවා. කොළඹ අවට ප්රදේශ කිහිපයකම අපි මේ ව්යාපෘතිය ක්රියාත්මක කරා. ඊට අමතරව දිස්ත්රික්ක 25ම ආවරණය වන පරිදි පිරවුම්හල් 25ක අපි නියමු ව්යාපෘතිය සිදුකරා. මෙයින් ලැබෙන ප්රතිචාර පද්ධතිය එක්ක ඉදිරි දින කිහිපයේ දී මේ පද්ධතිය විවෘත කිරීමට බලාපොරොත්තු වෙනවා” යි ඔහු පවසනවා.
