කලින්ම ලොකු ඡන්ද ප්‍රතිපලයක් නිකුත් වෙයි! කුරුණෑගල මහනගර සභාවේ නගරාධිපති සටනින් සජබ මන්ත්‍රී විශිෂ්ට ජයග්‍රහණයක් ලබයි! සජබය තනිවම පොහොට්ටුවයි-අලියයි එකට තියලා පරද්දයි!

කුරුණෑගල මහ නගර සභාවේ නගරාධිපති තනතුර සඳහා සුදුස්සකු පත්කර ගැනීමට අද (2) පවත්වන ලද ජන්ද විමසීමේදී සමගි ජනබලවේගය නියෝජනය කරමින් ඉදිරිපත්වූ සුමේධ අරුණශාන්ත මහතා වැඩි ජන්ද 4 කින් ජයග්‍රහණය කළේය.

නව නගරාධිපතිවරයකු තෝරා පත්කර ගැනීම සඳහා පවත්වන ලද ජන්දය සඳහා සුමේධ අරුණශාන්ත මහතා සමඟ විපක්ෂයම නියෝජනය කළ කුරුණෑගල මහ නගර සභාවේ විපක්ෂනායක විජයානන්ද වෙඩිසිංහ මහතා ශ්‍රී ලංකා පොදුජන පෙරමුණ නියෝජනය කරමින් ඉදිරිපත් විය.

ඔහුගේ සහායට පොහොට්ටුව සහ එක්සත් ජාතික පක්ෂය ඉදිරිපත් වූ ආකාරයක් දැකගන්නට ලැබිණ.

නමුත් පක්ෂ 2ම සහාය ලබා දී තිබියදීත් ඔහුට ලැබී තිබුණේ ජන්ද 6 ක් පමණී. සුමේධ අරුණශාන්ත මහතාට ජන්ද 10 ලැබුණි.

සුමේධ අරුණශාන්ත මහතා කුරුණෑගල මහ නගර සභාවට පත්වූ 17 වැනි නගරාධිපතිවරයා වේ.

කුරුණෑගල සජබ මන්ත්‍රී අශෝක අබේසිංහ මහතාගේ උපදෙස් මත සුමේධ අරුණශාන්ත මහතා ඡන්ද සටනට ඉදිරිපත් කොට තිබිණ.