රජයේ වියදම් සීමා කිරීම සම්බන්ධයෙන් දැඩි සීමා පනවමින් ජනාධිපති ලේකම් සමන් ඒකනායක විසින් සියළු අමාත්යාංශ ලේකම්වරුන්ට චක්රලේඛයක් නිකුත් කර තිබෙනවා.
ඒ අනුව වියදම් සීමා කිරීම පිළිබඳව භාණ්ඩාගාරයේ චක්රලේඛය දැඩිව පිළිපදින ලෙස දැනුම් දී ඇත්තේ.
රජය මුහුණ දී සිටින ආර්ථික අභියෝග හේතුවෙන් රාජ්ය වියදම් උපරිම ලෙස කපා හරින ලෙස ඔවුන්ට එමගින් දැනුවත් කළ බවයි කියන්නේ.
ඉන්ධන විදුලිය සහ සන්නිවේදන පහසුකම් ඇතුළු සේවා භාවිතය සම්බන්ධයෙන් දැඩි පාලනයක් මෙමඟින් පැනවීමට ද දැනුම් දී තිබෙනවා.
නව ගොඩනැගිලි කුලියට ගැනීම හෝ නව කුලී හෝ බදු ගිවිසුම් වලට එළඹීම නැවත දැනුම් දෙන තුරු අත්හිටුවීමට ද කටයුතු කරන ලෙස ජනාධිපති ලේකම්වරයා දැනුම් දෙනවා.
මෙමගින් පවසා ඇත්තේ වාහන සඳහා පවතින ගිවිසුම් දීර්ඝ කිරීමට පෙර මහා භාණ්ඩාගාරයේ අනුමැතිය ලබා ගන්නා ලෙසයි.
කඩදාසි භාවිතය හැකිතාක් අඩු කරන ලෙසත් ඒ වෙනුවට විද්යුත් සන්නිවේදන වේදිකාවන් වෙත මාරු වන ලෙසත් සියලුම ආයතනයට ජනාධිපති ලේකම්වරයා දන්වා තිබෙනවා.
