ආණ්ඩුවේ කණ්ඩායම් රැස්විමේ අලි ගෝරියක්; විමල් ඇවිත් නෑ

මේ වන විට පැවැත්වෙන ආණ්ඩු පක්ෂයේ මන්ත්‍රි කණ්ඩායම් රැස්වීම ඉතා උණුසුම් වී ඇති බව අභ්‍යන්තර ආරංචි මාර්ග සඳහන් කරයි.

අමාත්‍ය විමල් වීරවංශ මහතා පක්ෂය විවේචනය කරමින් කර තිබූ ප්‍රකාශයට මෙහිදී පළමුව රාජ්‍ය අමාත්‍ය නිමල් ලන්සා මහතා දැඩි විරෝධය පළ කරමින් අදහස් දක්වා ඇත.

ඉන් අනතරුව වාසුදේව නානායක්කාර අමාත්‍යවරයා යම් පැහැදිලි කිරීමක් කිරීමට උත්සාහ කිරීමේදී අමාත්‍ය ප්‍රසන්න රණතුංග මහතා ඊට එරෙහිව අදහස් පළකිරීමත් සමඟ රැස්වීම තවත් උණුසුම් වී ඇත.

මෙහිදී උණුසුම සමනය කිරීම සඳහා අගමැතිවරයාද මැදිහත් වී ඇති බවක් දැනගන්නට ඇත.

කෙසේ වෙතත් තමන්ට අද උසාවි යායුතු බව දැනුම් දෙමින් අමාත්‍ය විමල් වීරවංශ මහතා මෙම රැස්වීමට සහභාගි වී නොමැත.