වර්ෂ 1962 සිට ශ්රී ලංකාවේ අංක 1 ස්වර්ණාභරණ ආයතනය වන වෝග් ජුවලර්ස්, ඕස්ට්රේලියාවේ මෙල්බර්න්හි Westfield Fountain Gate හි තම පළමු ජාත්යන්තර වෙළඳසැල විවෘත කිරීමත් සමඟ ඓතිහාසික සන්ධිස්ථානයක් සනිටුහන් කරයි. ශ්රී ලංකාවේ ස්වර්ණාභරණ කලාවේ ප්රමුඛයා ලෙස දිගුකලක් පිළිගැනුණු වෝග් ජුවලර්ස්, ආරම්භයේ සිටම කර්මාන්ත ප්රමිතීන් නැවත අර්ථකථනය කළ පුරෝගාමියෙකු ලෙස, උසස් තත්ත්වයේ ශිල්පීයත්වය සහ පිරිසිදු ආභරණ පරාසය ඕස්ට්රේලියාවේ මෙල්බර්න්හි අංගසම්පුර්ණ වෙළඳසැලක් හරහා ව්යාප්ත කරයි. Sri Lanka Latest News
දශක හයකට වැඩි කාලයක් තිස්සේ, වෝග් ජුවලර්ස් සිය නව්ය නිර්මාණ, උසස් තත්ත්වයේ රත්රං සහ අවිවාදිත විශ්වාසය හේතුවෙන්, රන් ආභරණ කර්මාන්තයේ පුරෝගාමියෙකු ලෙස කීර්තියට පත්ව ඇත. දේශීය හා ජාත්යන්තර ඇගයුම් රැසකට හිමිකම් කියමින්, විශේෂයෙන් මනාලියන්ගේ ආභරණ සඳහා පරම්පරා ගණනාවක තේරීම බවට වෝග් ජුවලර්ස් පත්ව ඇත. මව්වරුන්ගේ සිට දූවරුන් හා මිනිබිරියන් දක්වා, වෝග් ජුවලර්ස් හි නිර්මාණ ජීවිතයේ වඩාත්ම වටිනා අවස්ථා අලංකාර කර ඇති අතර, ඉහළ යන උද්ධමනය මධ්යයේ පවා ආයෝජන අවස්ථාවන් ලබා දෙයි.
මෙල්බර්න් ප්රදර්ශනාගාරයෙදී වෝග් ජුවලර්ස් හි විශිෂ්ට නිර්මාණ එකතුවක් ප්රදර්ශනය කෙරෙනු ඇත. මෙයට සාම්ප්රදායික හා සමකාලීන උඩරට සහ බටහිර මනාලියන්ගේ ආභරණ, 18-කැරට් සහ 14-කැරට් නිර්මාණ, ගුණාත්මක වටිනා මැණික් ගල්වලින් සරසන ලද 18-කැරට් ආභරණ, රෝස රත්රන් සහ සුදු රත්රන්වලින් යුත් දියමන්ති සහිත ආභරණ ඇතුළත් වේ. ගනුදෙනුකරුවන්ට ලොව ප්රථම වරට 22-කැරට් රත්රන් ආභරණ එකතුව වන ටස්කර් කලෙක්ෂන් (Tusker Collection), එහි අධි බරැති නිර්මාණ මැජෙස්ටික් කලෙක්ෂන් (Majestic Collection), ගෝල්ඩන් ට්රෆල් කලෙක්ෂන් (Golden Truffle Collection), කාර්යාලයට සුදුසු ස්වර්ණාභරණ, දෛනිකව පැළඳිය හැකි, සරල නිර්මාණ, ළමුන්ගේ ආභරණ සහ පිරිමි ආභරණ ආදිය අතරින් තෝරා ගත හැකිය.
“මෙල්බර්න්හි අපගේ පළමු ජාත්යන්තර වෙළඳසැල විවෘත කිරීම වෝග් ජුවලර්ස් හි විශ්වාසය, ගුණාත්මකභාවය සහ නව්යකරණය කැටිවූ විශිෂ්ට උරුමයට සාක්ෂියකි,” වෝග් ජුවලර්ස් හි කළමනාකාර අධ්යක්ෂ අනුර හේමචන්ද්ර මහතා පැවසීය. “ශ්රී ලංකාවේ ශ්රේෂ්ඨ ශිල්පීයත්වය ඕස්ට්රේලියාවට ගෙන ඒමටත්, ඕස්ට්රේලියානුවන්ට සහ එහි ශ්රී ලාංකික ප්රජාවට අපගේ විශිෂ්ට නිර්මාණ ඉදිරිපත් කිරීමටත් අපි සතුටු වෙමු. මෙම ව්යාප්තිය ජීවිතයේ සන්ධිස්ථාන සමරන සහ ස්ථිර ආයෝජන ලෙස සේවය කරන කාලානුරූපී ස්වර්ණාභරණ නිර්මාණය කිරීමට අපගේ කැපවීම පිළිබිඹු කරයි.”
වෝග් ජුවලර්ස් හි විශිෂ්ටත්වය සඳහා වූ අඛණ්ඩ කැපවීම, උසස්ම අමුද්රව්ය භාවිතය, ඉහළම නිෂ්පාදන ප්රමිතීන්ට අනුකූල වීම සහ දැඩි තත්ත්ව පාලනය මත පදනම් වේ. අසමසම පාරිභෝගික සේවාව සහ ජීවිතකාලීන වගකීම් සමඟින්, වෝග් ජුවලර්ස් පරම්පරා ගණනාවක විශ්වාසය දිනා ඇති අතර, මනාලියන් මෙන්ම, ආයෝජකයින්ගේද විශ්වාසදායී තේරීම බවට පත්ව ඇත.
මෙල්බර්න්හි මෙම ප්රදර්ශනාගාරය විවෘත කිරීම ශ්රී ලංකාවේ සහ ඕස්ට්රේලියාවේ සංස්කෘතික සමගිය සමරයි, අප රටේ ජීවමාන ශිල්පීය උරුමය මෙල්බර්න්හි බහුසංස්කෘතික ගතිකත්වය සමඟ බද්ධ කරයි. වෝග් ජුවලර්ස් ඕස්ට්රේලියානුවන්ට සහ එහි වෙසෙන ශ්රී ලාංකික ප්රජාවට Westfield Fountain Gate හි එහි නිර්මාණ ගවේෂණය කිරීමට සතුටින් ආරාධනා කරයි.
