සිසිල් වා-රැලි දැවටෙමින් උත්සව සමයේ සිරි අප වෙළාගනිද්දී, ශීත ඍතුවේ ආශ්චර්යය සැබවින්ම ජීවමාන වන පාරාදීසයක් ඔබ නුදුරේම ඇත. උත්තර ධ්රැවයේ චමත්කාරය හදවතට ලංකරන එක්සෙල් වර්ල්ඩ් ‘ස්නෝ වර්ල්ඩ්’ වෙත ඔබත් පිය නගන්න. දිදුලන හිම පියලි අවට වාතයේ පාවෙමින් එහිදී මවන චමත්කාරය පවුලේ සියල්ලන්ට සහ මිතුරන්ට අමතක නොවන සුන්දර අත්දැකීමක් විඳගැනීමට ආරාධනා කරයි. (Sri Lanka Latest News)
සුරංගනා කථා වල පමණක් ඔබ අසා ඇති දැවැන්ත හිම මිනිසුන් දෑත් දිගුකොට සියල්ලන් පිළිගනිමින්, තරු පිරි මන්දාකිණියක දිදුලන ආලෝකයෙන් මඟ හෙළි පෙහෙළි කරන සිහින රජදහනක් ගැන සිතන්න. එක්සෙල් වර්ල්ඩ් තුලට ඇතුළුවන සෑම වයස් සීමාවකම සියළුදෙනා උත්සව සමයේ අසිරිය වැළඳ ගැනීමට ඇරයුම් කරන විස්මිත ලෝකයකට පිවිසුනා වැනිය. බොහෝ දෙනාගේ ආදරය දිනූ සියල්ලන් ප්රිය කරන මෙම ආකර්ශනීය වාර්ෂික සැණකෙළි සමය යළි උදාවීමත් සමඟ, හිම පියල්ලෙන් අවට වාතය සිසිලස නංවද්දී, උත්සව සමයේ ප්රීති ප්රමෝදය අත්විඳීමට ඔබටත් හැකිවනු ඇත.
චමත්කාරජනක නව මුහුණුවරකින් ‘ස්නෝ වර්ල්ඩ්’ සුවිශේෂී මාධ්ය නිරාවරණය ප්රධාන අනුග්රාහක පෙප්සි-කෝ සහ ප්රධාන මාධ්ය අනුග්රාහක ‘වොයිස් ඔෆ් ඒෂියා නෙට්වර්ක්’අතර සහයෝගීතාවය පිළිබිඹු කරමින් 2024 දෙසැම්බර් 5 වැනිදා සිදුවිය. මාසයක් පුරා පැවැත්වෙන ශීත සෘතු සැණකෙළියේ සමාරම්භය සමරමින් ප්රමුඛපෙලේ මාධ්යවේදීන්, එක්සෙල් වර්ල්ඩ් අවන්හල් සහ බ්රවුන්ස් සමූහයේ නිලධාරීන් සමඟ එහිදී එක්විය.
ජනාකීර්ණ කොළඹ නගරයේ හිම සැණකෙළිය, එක්සෙල් වර්ල්ඩ් ‘ස්නෝ වර්ල්ඩ්’, දෙසැම්බර් 06 වැනිදා සිට දෙසැම්බර් 31 වැනිදා දක්වා පස්වරු 4 සිට රාත්රී 10 දක්වා මහජනතාවට දොරටු විවෘත කරන්නේ සියල්ලන්ට එහි උත්සවශ්රීයට සහභාගී විය හැකිවීම සහතික කරමිනි. උත්තර ධ්රැවයේ නවමු අත්දැකීම සපුරාලමින් පිනිමුවන් පිරිවරාගත් ජීවමාන ප්රමාණයේ නත්තල් සීයා මෙන්ම ශිත වා-දහර ඇඟ දැවටෙද්දී අවට සැරිසරන හිම මිනිසුන්ගේ දසුන් ඔබ විචිත්රවත් චමත්කාරජනක ලෝකයකට රැගෙන යනු ඇත.
“එක්සෙල් වර්ල්ඩ් හි, අපි හුදෙක් අත්දැකීමක් නිර්මාණය කරනවා පමණක් නොවේ. ප්රීතිය, පවුල සහ ශීත ඍතුවේ චමත්කාරය අප කොළඹදී මෙලෙසින් සමරනු ලබනවා ” එක්සෙල් වර්ල්ඩ් සාමාන්යාධිකාරී ත්යාගා පෙරේරා මහතා පැවසීය. “අපේ අරමුණ වන්නේ ‘ස්නෝ වර්ල්ඩ්’ වෙත ඇතුළුවන සෑම අමුත්තෙක්ම විස්මිත ලෝකයකට රැගෙන ගොස් ශීත ඍතුවේ උත්තර ධ්රැවයේ චමත්කාරය කොළඹ නගරයේ හදවතට රැගෙන ඒමයි.”
වයස අවුරුදු හයක් වුවත්, හැටක් වුවත් හිමෙන් පිරුණු ක්රීඩා සහ විනෝදාස්වාදයන් මේ උත්සව සමයේදී ‘ස්නෝ වර්ල්ඩ්’ ඔබට පිරිනමයි. ඔබේ ආදරණීයයන් එක්රැස් කරගනිමින් ශීතඍතුවේ ඇඳුමින් සැරසී හිමලෝකයේ විස්මය වැළඳ ගැනීමට සැරසෙන්න. චමත්කාරජනක, සිනහවෙන් පිරුණු, සාමුහිකත්වය සපිරි, ශීත ඍතු ආශ්චර්ය සමරන සුවිශේෂී ‘ස්නෝ වර්ල්ඩ්’ අත්දැකීමට ඔබත් එක්වන්න.
