SDB බැංකුව ගෞරව සම්මාන ලබයි

ශ්‍රී ලංකා ජාතික වාණිජ්‍ය මණ්ඩලය (NCCSL) විසින් වාර්ෂිකව සංවිධාන කරනු ලබන 2019 ජාතික ව්‍යාපාර විශිෂ්ටතා සම්මාන උළෙල අති උත්කර්ෂවත් අන්දමින් පසුගිය දින පැවැත්විණි. මෙම සම්මාන උළෙලේදී SDB බැංකුව සමස්ත බැංකු ක්ෂේත්‍රය නියෝජනය කරමින් කුසලතා සම්මානයක් හිමි කරගත් අතර මෙහි ප්‍රධාන ආරාධිතයා ලෙස ශ්‍රී ලංකාවේ දකුණු අප්‍රිකානු මහකොමසාරිස් ගරු රොබිනා පී. මාර්ක්ස් මහත්මිය සහභාගි වී සිටියහ.
2019 වර්ෂය SDB බැංකුව සඳහා වැදගත් වර්ෂයක් ලෙස හැඳින්විය හැකි වන්නේ පාරිභෝගිකයන්ට වෙනුවෙන් ඩිජිටල් තාක්ෂණයේ හඳුන්වා දීමත් සමඟයි. මේ වන විට SDB බැංකුව මගින් ආයතනික පාරිභෝගිකයන් සඳහා වන අන්තර්ජාල බැංකුකරණ පහසුකම, SDB ජංගම මෘදුකාංගය, ජංගම දුරකතන සඳහා භාවිත කළ හැකි වෙබ් අඩවිය නැවත දියත් කිරීම සහ Vertical VISA ඩෙබිට් කාඞ්පත් සේවාව යනාදිය හඳුන්වා දීම සමඟින් මේ වන විට බැංකුකරණ ක්‍රියාවලිය පූර්ණ ඩිජිටල් ක්‍රමවේදයක් ඔස්සේ ක්‍රියාත්මක වේ.