රාගම මහා දේවාලයේ වාර්ෂික දේව පූජා මංගල්යය 2025.08.16 වන සෙනසුරාදා දින පැවැත්වීමට කටයුතු සංවිධානය කර ඇත. එදින උදේ 6.00ට බුද්ධ පූජාව සහ පිරිත් සජ්ගායනය කිරීම. පෙ.ව. 7.00 ට රටට ජාතියට, ත්රිවිධ හමුදාවට, පොලීසියට, පක්ෂ විපක්ෂ රාජ්ය නායකයින්ට, ගරු අග්රාමාත්යතුමියට සහ අතිගරු ජනාධිපතිතුමන්ටද සෙත් පතා පූජාවක්ද පැවැත්වේ. Sri Lanka Latest News
එදින පෙ.ව. 7.00 ට වැඩ සිටින පිළිමවහන්සේලා ස්නානය කිරීමේ පූජාව, දෙවියන්ව නාවා පිරිසිඳු කර අලුත් වස්ත්ර අන්දවා මල් මාලා පූජා කර අලංකාර කර කපුරු පෙන්වීම බැතිමතුන්ගේ ජීවිතය ලස්සන කර අලංකාර කර සාර්ථක ජීවිතයක් ලැබේවා යන්න ද, ග්රහ බලපෑම්වලින් පීඩාවට පත් අය, අසනීපවූ අය, දියුණුව අඩපණ වූ අය, තදබල සෙනසුරු හා රාහුගේ බලපෑම් ඇති බැතිමතුන්ගේ එම බලපෑම් දුරකරවීම සඳහා සහ පවුල් ජීවිතයේ සතුට සමාදානය උදෙසා නවග්රහ පූජාවක් පැවැත්වේ.
පෙ.ව. 11.00 ට නොයිඳුලෙන් පිළියෙල කරගත් එළවළු ව්යාංජන හතක් සමඟ බත් බුදුන්ට සහ දෙවියන්ට පූජා කිරීමෙන් පසු බැතිමතුන්ට භුක්ති විදීමට දීම සිදු කෙරේ.
එදින සවස 4.00ට දේවපූජා මංගල්යයට පැමිණෙන සියලු බැතිමතුන්ගේ දියුණුව පතා මහා විශ්ණු දෙවියන්, ස්කන්ධ කුමාර් දෙවියන්, ශ්රී ලක්ෂ්මි දෙවියන් උදෙසා මහා මාතාංගේෂ්වරී පූජාව පැවැත්වීම සහ දියුණුව සඳහා රාජතරංගනී යන්ත්ර පැළඳවීම හා දේවාලයෙන් සෑදූ මහා මාතාංගේෂ්වරී රත්රං යන්ත්ර වසරක් පාසා අලුත් කර නැවත බැතිමතුන් අතර බෙදාදීමද සිදුකරනු ලැබේ.
මීට වසර 14 ට පෙර අප අතරින් සමුගත් රාගම දේවාලයේ ප්රධාන දේවගැති ලොකු සීයාට පිං පිණිස දුන්තෙල් බත්, පොලොස් මාළුව, ඇඹරැල්ලා මාළුව, මාළු ඇඹුල්තියල්, පරිප්පු, කිරි පැණි සහ පලතුරු සමඟින් සහභාගි වන සියලුම දෙනාට මහාබත් දන්සලක් ද පැවැත්වේ.
රාත්රී 7.00ට වැඩසිටින දෙවියන්ට පිං පිනිස තෝරාගත් අඩු ආදායම්ලාභී පවුල්වලට ජලය, විදුලිය සහ ඖෂධ වවුචර්පත් ලබා දීමේ මහා පුන්යකර්මය.
ප්රියන්ත හෙට්ටිගේ
