මහජන බැංකුවේ ව්යවසායකත්ව බැංකු කටයුතු අංශය කුඩා ව්යාපාර ආරම්භ කිරීමේ හා සංවර්ධනය කිරීමේ අරමුණින් වැඩසටහන් රැසක් දියත් කර ඇති අතර, PEOPLE’S SPARK වැඩසටහන එහි සුවිශේෂ පියවරකි. එය තරුණ උපාධිධාරීන් හට බැංකුව සමඟ එකතු වී පුහුණුවකින් පසු තම ව්යවසායන් ආරම්භ කිරීම සඳහා ණය යෝජනා ක්රමයකින් සහ ඉන් ඉදිරියට පසුවිපරම් කිරීමේ ක්රමවේදයකින් සමන්විත වන අතර, මේ වන විට සාර්ථකව ක්රියාත්මක වෙමින් පවතී.
එමෙන්ම තවදුරටත් මහජන බැංකුව මෙරට විශ්වවිද්යාල පද්ධතිය සමඟ එකතු වී උපාධි අපේක්ෂකයන් ව්යවසායකත්වයට යොමු කර, ඔවුන්ට ව්යවසායකත්ව මඟ පෙන්වීම් මෙන්ම මූල්ය විනයක් ඇති කිරීමේ සහ ණය පිරිනැමිමේ වැඩසටහනක් ක්රියාත්මක කිරීමට අපේක්ෂා කරයි.
එහි එක් අංගයක් ලෙස පසුගියදා කොළඹ විශ්වවිද්යාලයේ කළමනාකරණ හා සංවිධාන අධ්යයන දෙපාර්තමේන්තුවේ කළමනාකරණ මූල්ය පිඨයේ දෙවැනි වසරේ සිසුන්ගේ ව්යාපාර සැලසුම් අධීක්ෂණය කර ඒවායේ ප්රායෝගික ගැටලු සාකච්ඡා කර ඒ සඳහා උපදෙස් ලබාදීමේ වැඩසටහනක් පවත්වන ලදී. මෙහිදී විශ්වවිද්යාල සිසුන් ආයෝජකයන් වෙත ඉදිරිපත් කිරීම සඳහා ඔවුන් විසින් නිර්මාණය කරන ලද ව්යාපාර සැලසුම් මහජන බැංකුවේ ව්යවසායකත්ව බැංකු කටයුතු අංශයේ අධීක්ෂණ මණ්ඩලයක් වෙත යොමුකරන ලද අතර, ඔවුන්ගේ උපදෙස් ලබාගන්නා ලදී.
මෙම අවස්ථාවට මහජන බැංකුවේ සභාපති සුජීව රාජපක්ෂ මහතා විශේෂයෙන් සහභාගී වූ අතර, ඔහු විසින් සිය පෞද්ගලික ව්යවසායකත්ව අත්දැකීම් විශ්වවිද්යාල සිසුන් සමඟ හුවමාරු කරගත්තේය. එමෙන්ම සාර්ථක ව්යවසායකයකු වීමට අවශ්ය මඟ පෙන්වීම් රැසක්ද ලබාදෙන ලදී.
මෙම අවස්ථාවට මහජන බැංකුවේ නියෝජ්ය සාමාන්යාධිකාරිනී (ව්යවසායකත්ව බැංකු කටයුතු) ක්රිෂානි නාරංගොඩ, සහකාර සාමාන්යාධිකාරී (සුළු හා මධ්ය පරිමාණ ව්යාපාර) වික්රම නාරායන, කොළඹ විශ්වවිද්යාලයේ කළමණාකරණ හා සංවිධාන අධ්යයන දෙපාර්තමේන්තුවේ කළමනාකරණ හා මූල්ය පීඨයේ මහාචාර්ය බී. නිශාන්ත, මහාචාර්ය ආර්. සේනාධිරාජා සහ ආචාර්ය තිස්ස රවීන්ද්ර පෙරේරා යන මහත්ම මහත්මීහුද සහභාගී වූහ.
