ලොව පුරා රටවල් 30කට අධික සංඛ්යාවක ක්රියාත්මක වන නිපොන් පරිත්යාග පදනම, සංවර්ධනය වෙමින් පවතින රටවල සෞඛ්ය, අධ්යාපනය, ව්යවසායකත්වය ඇතුළු තවත් බොහෝ ක්ෂේත්ර නංවාලීම වෙනුවෙන් විවිධ ව්යාපෘති දියත් කරයි.
ආරම්භයේ සිටම ලෝක සාමය තහවුරු කිරීම අරමුණු කරගත් එම පදනම ජපානය කේන්ද්ර කරගනිමින් ආරම්භ කරනු ලැබුවේ එහි නිර්මාතෘ සහ සභාපති යූමා මුරනුෂි මහතා විසිනි. අතිදක්ෂ ව්යවසායකයෙකු වන මුරනුෂි මහතා වයස අවුරුදු 19දී ජපානයේ ඔසාකා විශ්වවිද්යාලයේ අධ්යාපනය ලබමින් සිටියදී ආයෝජනය කිරීම ආරම්භ කළේය. ඉන්පසු වයස අවුරුදු 24දී පෞද්ගලික අරමුදලක් පිහිටුවා මූල්ය ව්යාපාරික ක්ෂේත්රය වෙත ඇතුළු වූ ඔහු දේශීය හා විදේශීය අරමුදල් කළමනාකරණය කරමින් ව්යාපාර මිලදී ගැනීම අඛණ්ඩව සිදුකළේය.
නිපොන් පරිත්යාග පදනමේ ජාතික අධ්යක්ෂ ආචාර්ය රුවන් පෙරේරා මහතාගේ ආරාධනයකට අනුව මුරනුෂි මහතා ශ්රී ලංකාවට පැමිණ සිටින අතර, මින් පෙර ඔහු මෙරට ජාතික රෝහලට රුපියල් කෝටියක් වටිනා ඖෂධ තොගයක් පරිත්යාග කිරීමටද කටයුතු කළේය. එමෙන්ම මුරනුෂි මහතා, මෙම අභියෝගාත්මක කාලවකවානුවේදී ශ්රී ලංකා හිටපු ක්රිකට් ක්රීඩක රොෂාන් මහානාම මහතා අඛණ්ඩව සිදුකරනු ලබන සමාජ සේවා වැඩසටහන් සහ පරිත්යාගයන් සඳහා අනුග්රහය ලබාදීමද සිදුකරයි.
මුරනුෂි මහතා මෙවර මෙරටට පැමිණ සිටින්නේ දිගුකාලීන පදනමක් මත පරිත්යාග හා ඍජු විදේශ ආයෝජන සිදු කිරීම හරහා ශ්රී ලංකාව තුළ සිදුකරන සිය වාණිජ සහ සමාජ සත්කාරක වැඩසටහන් පුළුල් කිරීමේ අරමුණිනි.