2025, නොවැම්බර් 02 – මීගමුව – වන්දනීය රාම් කතාවේ ප්රකාශක සහ අධ්යාත්මික මඟ පෙන්වන්නකු වන පූජ්ය මොරාරි බාපු විසින් සිය රාම් කතාව පසුගියදා මීගමුවේදී ඉදිරිපත් කරන ලදී. එම අවස්ථාව සඳහා ශ්රී ලාංකේය බැතිමතුන් හා රසවතුන් රැසක් එක්ව සිටි අතර උතුම් රාම චරිතය පිළිබඳ ඔවුන්ගේ සිත් තුළ සැබෑ ආශ්වාදයක් හා ගෞරවයක් ඇති කිරීමටද එම අවස්ථාව හේතු විය. ඒ සමඟම ඓතිහාසික Ram Yatra වැඩසටහනෙහි ශ්රී ලාංකේය සමාරම්භය සනිටුහන් කිරීමට විශේෂත්වයක් විය.Sri Lanka Latest News
රාමේෂ්වරිහි මෙම සිත් සන්සුන් කරන කතාවලින් පැවසෙන පරිදි රාම් දෙවියන් මහ මුහුද තරණය කිරීමට පෙර ශිව දෙවියන් නමස්කාර කර ඇති බව විශ්වාස කරනු ලබයි. බාපු සහ ඔහුගේ බැතිමතුන් මහ මුහුද තරණය කරමින් ලංකාවට පැමිණ රාමගේ ශ්රී ලාංකේය ගමන නැවත නැවතත් පූජනීයත්වයට පත් කරන ලදී.
මීගමුවේදී පවත්වනු ලැබූ මෙම එළිමහන් වැඩසටහනේදී ශ්රී ලාංකේය මෙන්ම ලොව පුරා බොහෝ බැතිමතුන් යාඥා කරමින්, සංගීතය සමඟින් රාම දෙවියන් වන්දනා කරන ලදී. බාපුගේ මල් ලෙස හඳුන්වනු ලබන අනුගාමිකයින් 400කට අධික පිරිසක් මේ සඳහා ඉන්දියාවේ සිට ශ්රී ලංකාවට පැමිණ ඇති අතර ඉන් රාම ගේ ලංකා ගමන නැවත නැවතත් සිහිපත් කරනු ලබයි.
බාපු විසින් අඛණ්ඩව පවත්වනු ලබන රාම් කතාවේ තවත් සුවිශේෂී සංධිස්ථානයක් සනිටුහන් කරන මෙම රාම් යාත්රාව ඉතිහාසය සිහිගැන්වීමේ චාරිකාවක් ලෙසද සඳහන් කළ හැකිය. රාම දෙවියන් පිටුවහල් කිරීමේ අවස්ථාව, ලංකා ගමන හා අයෝධ්යාවට නැවත පැමිණීම වැනි සුවිශේෂී අවස්ථාවන් ඉස්මතු කරමින් සැබෑ කතාව බැතිමතුන් හමුවට ගෙන ඒමට බාපු මේ තුලින් කටයුතු කරයි. චිත්රකූටයෙන් ආරම්භ වන රාම් යාත්රාව අවසන් වන්නේ අයෝධ්යාවෙනි.
සන්ත්ක්රිප සනාථන සංස්ථාන් (Santkripa Sanatana Sansthan) හි බාපුගේ අනුගාමිකයකු වන මදන් ජේ. අයි පලිවාල් විසින් මෙම විශේෂ වැඩසටහන සංවිධානය කරනු ලැබුවේ සියලු දෙනාට රාම දෙවියන් පිළිබඳ පණිවිඩය ලබා දෙමින් සැබෑ දහම් පණිවිඩයක් දායාද කිරීමට කටයුතු කරමිනි. අධ්යාත්මික සුවපත්භාවය කිසි විටෙකත් මිලට ගත යුතු නැති බව නිරන්තරයෙන් පෙන්වා දෙන බාපු ගේ මෙම අවස්ථාවට සියලු දෙනාට නොමිලේ සහභාගී වීමේ අවස්ථාව උදා කර දී තිබීමට ඉතා වටිනා අවස්ථාවක් විය.
රාම යාත්රාව විශේෂයෙන් රාම චරිතයෙහි වූ සත්ය, ප්රේමය සහ කරුණාව යන සැබෑ වටිනාකම් ප්රමුඛ තොට ගනිමින් ඉදිරිපත් කළ අතර ඒ තුලින් ප්රකට වන්නේ මානව සිත් සතන් සුවපත් කිරීමට, අධ්යාත්මික ශක්තිය ඉහළ නැංවීමට බාපු තුළ ඇති කැපවීමයි.
මෙහි දෙවැනි කොටස ලෙස රාම් දෙවියන් වන්වාසයෙන් පිටත්ව යාම පිළිබද කියවෙන පරික්රම යාත්රාවයි. එය 2021 වසරේදී අයෝධ්යාවෙන් ආරම්භව නන්දිග්රෑම් දක්වා පැමිණ තිබේ.
මෙහිදී නොමිලේ බාපුගේ කතා ශ්රවණය කිරීමට පමණක් නොව ආහාර පානයන්ද නොමිලේ භුක්ති විඳීමට හැකි වූ අතර ඒ අනුව සෑම බැතිමතෙකුටම නිරාමාංශ ආහාර වේලක් රස විඳිය හැකි විය.
කිසිඳු දේශනයක් සඳහා මුදල් අය නොකරන බාපු සෑම කෙනෙක් වෙනුවෙන්ම නොමිලේ රාම් කතාව දේශනා කරන අතරම පැමිණෙන සියලු දෙනාට නොමිලයේ නිර්මාංශ ආහාර වේලක් ලබා දෙමින් සියලු දෙනා තුල සමනාත්මතාවය හා බෙදා හදා ගැනීමට කටයුතු කරයි.
ප්රියන්ත හෙට්ටිගේ
