දේශීය සන්නිවේදන ක්ෂේත්රයේ ප්රමුඛයා වන ඩයලොග් ආසිආටා සමාගම නවීන තොරතුරු තාක්ෂණය සම්ප්රදායික ආර්ථික බෝග වගාවන් සමග මුසු කරමින්, දේශීය කෘෂිකර්මාන්තයේ ඵලදායිතාවය වගේම ගොවි ජනතාවගේ ජීවිත සරු කිරීම අරමුණු කර ගනිමින් ‘ගොවි මිතුරු’ නමින් ජංගම දුරකතන යෙදවුමක් හඳුන්වා දී ඇත.
කෘෂිකර්මාන්තයේ නිරත සියලු දෙනා සඳහා පහසුවෙන් සම්බන්ධ විය හැකි ආකාරයට සිංහල, දෙමළ සහ ඉංග්රීසි යන භාෂා ත්රිත්වයෙන් නිර්මාණය කර ඇති මෙම යෙදවුම තුළින් ගොවීන්ගේ අවශ්යතාව පරිදි ඔවුන් වගා බිම් සැකසුම, වගාකරනු ලබන බෝගය සහ බෝගයේ වර්ධන අවධියට අනුව නිවැරදි සවිස්තරාත්මක තොරතුරු ලබාදීම සිදුවේ.
ඉතා පුළුල් වූ පරාසයක සේවාවක් සමගින් ක්රියාත්මක මෙම සුවිශේෂ ‘ගොවි මිතුරු’ යෙදවුම Google Play Store ඔස්සේ ජංගම දුරකතනය වෙත බාගත කරගැනීමෙන් මෙම සේවාව සමග සම්බන්ධ විය හැකි අතර, 616 ක්ෂණික ඇමතුම් අංකය ඇමතීමෙන් ඇමතුම් සේවාව සමගද සම්බන්ධ වීමේ හැකියාව ලබාදී ඇත.
ඩයලොග් සම්බන්ධතාව ඔස්සේ මෙම ජංගම යෙදවුම් සේවාව සමග සම්බන්ධවන්නන් සඳහා කිසිදු ආකාරයක ඩේටා වැයවීමක් සිදු නොවන අතර, ඕනෑම සේවා ජාලයක් සඳහා දෛනික ගාස්තු වශයෙන් රු.2ක් සහ බදු මුදලක් මෙන්ම 616 අමතා ලබාගන්නා ඇමතුම් සේවාව සඳහා එක් බෝගයක් සඳහා දිනකට රුපියලයක් සහ බදු අයකෙරේ.
දේශීය වගාකරුවන් වෙත මෙම සේවාව තවදුරටත් ව්යාප්ත කිරීමේ අරමුණින් මෙම ‘ගොවි මිතුරු’ සේවාව, වර්තමානය වන විට තේ වගාකරනු ලබන ගොවීන්ගේ ඵලදායිතාව වර්ධනය වෙනුවෙන්ද දියත්කර ඇත. මේ යටතේ තේ කර්මාන්තය සම්බන්ධ විශේෂ තොරතුරු සහ තේ වගාව සම්බන්ධ උපදෙස් ක්ෂණිකව ගොවීන්ගේ ජංගම දුරකතන වෙත කෙටි පණිවුඩ සහ ඇමතුම් ඔස්සේ ලබාදීමද සිදුකෙරේ.