පාට් දාලා දිනන්න බජාජ් ජෙනුයින් පාර්ට්ස් කෑෂ්බැක්

ඩේවිඩ් පීරිස් මෝටර් කම්පැනි (ප්‍රයිවට්) ලිමිටඩ් විසින් බජාජ් ජෙනුයින් ස්පෙයාර් පාර්ට්ස් පාරිභෝගිකයින් වෙනුවෙන් හඳුන්වාදුන් නවතම දිනුම් ඇදීමේ තෑගි තරගය “පාට් දාල දිනන්න – බජාජ් ජෙනුයින් පාර්ට්ස් කෑෂ්බැක්” ලෙසින් පසුගියදා ආරම්භ කෙරුණි.

මෙම තරඟය මාර්තු මස 22 දින සිට මැයි 31 දක්වා පැවැත්වෙන අතර සති 10ක් පුරා ජයග්‍රාහකයින් 150 දෙනෙකු (සතියකට 15 දෙනෙකු ලෙස) සහ අවසන් මහා දිනුම් ඇදීමෙන් ජයග්‍රාහකයින් 03 දෙනෙකු තෝරා ගනු ලැබේ.

ඩේවිඩ් පීරිස් මෝටර් කම්පැනි (ප්‍රයිවට්) ලිමිටඩ් බජාජ් ජෙනුයින් පාර්ට්ස් අලෙවි මධ්‍යස්ථානවලින් සහ ඩීලර්වරුන්ගෙන් රු. 2,500/= හෝ ඊට වැඩි මිලදී ගැනීම් සිදුකරන පාරිභෝගිකයින් මෙම තරඟයට සුදුසුකම් ලබයි.

මිලදී ගත් බජාජ් ජෙනුයින් පාර්ට්ස්වලට අදාළ බිල්පතේ ඡායාරූපයක් පාරිභෝගිකයාගේ නම, ලිපිනය සහ හැඳුනුම්පත් අංකය සමග 0765111211 අංකයට වට්ස්ඇප් කිරීමෙන් තරගයට ඇතුළත්විය හැකිය. එහිදී ජයග්‍රාහකයින්ට තමාගේ බිල්පත් වටිනාකමෙන් රු. 15,000/=ක උපරිමයක් දක්වා මුදල් නැවත ගෙවනු ලබයි.

තරගය සඳහා සුදුසුකම් ලබන සියලු පාරිභෝගිකයින් අවසන් දිනුම් ඇදීම සඳහාද සුදුසුකම් ලබන අතර එහිදී තෝරාගන්නා පළමු ජයග්‍රාහකයාට හිමිවන ත්‍යාගය ලෙස රුපියල් ලක්ෂ 05ක මුදලක් හිමිවන අතර දෙවන තෑග්ග ලෙස රුපියල් ලක්ෂ 2.5ක් පිරිනැමේ. තෙවන තෑග්ග රුපියල් ලක්ෂයකි.