පඩිය ලක්ෂයට වැඩි නම් ටැක්ස් වදින්නේ මෙහෙමයි!

පුද්ගල ආදායම් බද්ද, වැටුප් කාණ්ඩ අනුව වෙනස් වන ආකාරය සම්බන්ධයෙන් මුදල් අමාත්‍යංශය අද කරුණු පැහැදිලි කළා. ඒ අනුව රුපියල් ලක්ෂයක මාසික ආදායමක් ලබන පුද්ගලයෙකුගෙන් බදු අය කෙරෙන්නේ නැහැ.

මාසික වැටුප රුපියල් ‍150,000 ක් නම් රුපියල්  3500ක බද්දක් අය කරනු ඇති. මාසික වැටුප රුපියල් ලක්ෂ 2ක් නම් බද්ද රුපියල් 10,500ක්. මාසික වැටුප රුපියල් දෙලක්ෂ 50,000 ක් නම් රුපියල්  21,000ක බද්දක් අය කිරීමට නියමිතයි.

මාසික වැටුප රුපියල් ලක්ෂ 3ක් නම් බද්ද රුපියල් 35,000ක්. පුද්ගලයෙකුගේ වැටුප රුපියල් තුන් ලක්ෂ 50,000 ක් නම් රුපියල් 52,500ක බද්දක් අය කරනු ඇති.

මාසික වැටුප රුපියල් ලක්ෂ 4ක් නම් බද්ද රුපියල් 70,500ක්. මාසික රුපියල් ලක්ෂ 10ක වැටුපක් ලබන්නේ නම් රුපියල් දෙලක්ෂ 86,500ක බද්දක් අය කිරීමට නියමිතයි.

මුදල් ආර්ථික ස්ථායීකරණ සහ ජාතික ප්‍රතිපත්ති අමාත්‍යාංශයේ මූල්‍ය ප්‍රතිපත්ති අධ්‍යක්ෂ ජනරාල්, කපිල සේනානායක පැවසුවේ ජනවාරි පළමු වනදා සිට රඳවාගැනීමේ බදු හඳුන්වාදීමද සිදුකරන බවයි.