යුනිලීවර් ශ්රී ලංකාහි ප්රමුඛතම සනීපාරක්ෂක සබන් සන්නාමය වන ලයිෆ්බෝයි විසින් ප්රජාවන් අතර දිගුකාලීන සනීපාරක්ෂක චර්යාවන් ඇතිකිරීමේ සිය අඛණ්ඩ ප්රයත්නයේ තවත් එක් පියවරක් පසුගියදා සනිටුහන් කරන ලදී. ලෝක දෑත් සේදීමේ දිනයට සමගාමීව ශ්රී ලංකා බාලදක්ෂ සංගමය සමග අත්වැල් බැඳගනිමින්, ගල්කිස්ස ශාන්ත තෝමස් විද්යාලයේදී පැවැත්වුණු 13 වැනි ජාතික කබෝරියට (Cuboree) සහභාගී වූ දරුවන්ට දෑත් සේදීමෙහි ඇති වටිනාකම අවධාරණය කර දීම මෙම අවස්ථාවේදී සිදුවිය.
මෙම ජාතික කබෝරියට සහභාගී වූ දරුවන් 12,000කට අධික ප්රමාණයකට විවිධ ක්රියාකාරකම් මගින් නිවැරදිව දෑත් නොසේදීමෙන් සිදුවිය හැකි බලපෑම පිළිබඳ දැනුවත් කිරීම සහ දෑත් සේදීමේ පහසු පියවර හඳුන්වා දීම මෙහිදී සිදුවිය. මෙම මුලපිරීම මගින් දරුවන් තුළ පවත්නා ස්වභාවික නායකත්ව හැකියාවන් උපයෝගී කරගනිමින්, තමන් ඉගෙනගත් දෑත් සේදීමේ පියවරයන් තවත් 5 දෙනකු සමග බෙදාගැනීමට ඔවුන්ව දිරිමත් කරන ලදී.
මෙම වටිනා පණිවුඩය තවදුරටත් ඉදිරියට ගෙනයාම උදෙසා දරුවන්ව දෑත් සේදීමේ ප්රධාන අධ්යාපන නිලධාරීන් (Chief Education Officers) ලෙස කටයුතු කිරීමට දිරිගැන්වීමද මෙහිදී සිදුවිය. තවද ලංකාව පුරා පවතින පාසල්වලින් තෝරාගත් පාසල් 9ක් සඳහා, තම පාසල් පරිශ්රය තුළ දෑත් සේදීමේ මධ්යස්ථාන පිහිටුවා ගැනීම උදෙසා රුපියල් 100,000ක මුදලක් ලබාදීමද ඉදිරියේදී දෑත් සේදීමේ ප්රධාන අධ්යාපන නිලධාරීන්ගේ නායකත්වයෙන් යුතුව සිදුකිරීමට නියමිතය. ලයිෆ්බෝයි විසින් දරුවන් සඳහා සබන් කැට සහ කබෝරි (Cuboree) අත්පොත් පිරිනැමීම සිදුකළ අතර තෝරාගත් පාසල් සඳහා ප්රමාණවත් තරමින් ලයිෆ්බෝයි දෑත් සේදීමේ සබන් දියර (Hand Wash) ලබාදීමද සිදු කෙරිණි.
