ශ්රී ලංකා තාරුණ්යයේ වඩාත් ජනප්රියතම ජංගම විදුලි සංදේශ සේවා සැපයුම්කරුවා වන එයාර්ටෙල් ලංකා ජාතික මානසික සෞඛ්ය ආයතනය (NIMH) සමග එක්ව Whatsapp හරහා 1926 මානසික සෞඛ්ය උපකාරක සේවාව වෙත සම්බන්ධ වීමේ පහසුකම් පුළුල් කරන බව නිවේදනය කළේය. මානසික සෞඛ්ය යහපැවැත්ම උදෙසා සහාය අවශ්ය ඕනෑම අයකුට හෝ ඒ සඳහා මැදිහත්වීමක් අවශ්ය ඕනෑම අයකුට දැන් 075 555 1926 ඔස්සේ WhatsApp හරහා NIMH හි මානසික සෞඛ්ය උපකාරක සේවාව වෙත සම්බන්ධ විය හැකිය.
2020 ජාත්යන්තර මානසික සෞඛ්ය දිනයට සමගාමීව දියත් කළ කෙටි පණිවුඩ සේවාව මගින් ගැටලුකාරී මානසික සෞඛ්යය හේතුවෙන් අභියෝගවලට මුහුණ දෙන බොහෝ පුද්ගලයන්ට සහාය දැක්වීමට, සැනසීම ලබාදීමට සහ මඟපෙන්වීම සැපයීමට අමතරව ජීවිත 100කට අධික ප්රමාණයක් ජීවත් කරවීමට උපකාරී වී ඇත.
එයාර්ටෙල් විසින් Whatsapp හරහා මෙම සේවාව වෙත සම්බන්ධ වීමේ පහසුකම් ලබාදීමට ගත් තීරණය voice හෝ සාමාන්ය කෙටි පණිවුඩ භාවිතයට වඩා data භාවිතය සඳහා මනාපයක් ඇති තරුණ පරිශීලකයන්ට වඩාත් සාධනීය ක්රමයකි. මෙම යෙදවුම මගින් වීඩියෝ ඇමතුම්, බෙහෙත් වට්ටෝරු බෙදාගැනීම සහ හඬ සටහන් ඇතුළුව තවත් බොහෝ විකල්පයන් භාවිත කළ හැකි අතර එමගින් 1926 සේවාව වෙත සම්බන්ධව තම මානසික නිදහස ළඟා කරගත හැකිය.
