සෙලාන් බැංකුවෙන් ‘Hearty Christmas’

නත්තල යනු සැමට සතුට, සාමය හා විනෝදය ළඟා කරන කාලයකි. සෙලාන් බැංකුව මෙවරත් තම ගනුදෙනුකරුවන්ට සැබෑම සුබ නත්තලක ප්‍රීතිය සමීප කරවීම සඳහා ‘Have a hearty Chirstmas with Seylan Cards’ ප්‍රවර්ධන වැඩසටහන යටතේ ක්‍රෙඩිට් හා ඩෙබිට් කාඞ්පත් දීමනා රාශියක් හඳුන්වා දීමට කටයුතු යොදා තිබේ.

මේ වෙනුවන් ප්‍රථම වරට සුවිශේෂී වෙබ් අඩවියක්ද (www.seylanoffers.com) හඳුන්වා දීමට සෙලාන් බැංකුව පියවර ගෙන ඇති අතර, මෙම වෙබ් අඩවිය මගින් ගනුදෙනුකරුවන්ට සෙලාන් බැංකුවේ ක්‍රෙඩිට් හා ඩෙබිට් කාඞ්පත් දීමනා සම්බන්ධ නවතම තොරතුරු ලබාදීමට කටයුතු යොදා ඇත. මෙහි තවත් සුවිශේෂී අංගයක් වන්නේ ගනුදෙනුකරුවන්ට තම පෞද්ගලික කැලැන්ඩරයට තමන් වඩාත් කැමති දීමනාවන් එක්කර ගැනීමට අවස්ථාව ලබාදීමය. මෙමගින් ගනුදෙනුකරුවන්ට අදාළ දීමනාවන් පිළිබඳව සිහිපත් කිරීම් (Notifications) සිදුකෙරෙන බැවින් ඒවා මඟහැරී යෑමේ ඉඩකඩ අවම වෙයි.

එපමණක් නොව මෙවර නත්තල වෙනුවෙන් වෙළෙඳ ආයතන රාශියක් සමඟ එක්වී ඉතිහාසයේ විශාලතම ක්‍රෙඩිට් හා ඩෙබිට් කාඞ්පත් දීමනා එකතුව හඳුන්වා දීමටද සෙලාන් බැංකුව කටයුතු කර ඇති අතර අබාන්ස්, සිංගර්, දම්රෝ, ශ්‍රී ලන්කන් එයාර්ලයින්ස්, කටාර් එයාර්වේස්, එමිරේට්ස්, ඔටෝ මිරාජ්, සොෆ්ට්ලොජික් සමූහය සහ බැරිස්ටා යනු එම ආයතන අතරින් කිහිපයකි.
මේ පිළිබඳව අදහස් දක්වමින් සෙලාන් බැංකුවේ විකුණුම් හා අලෙවි ප්‍රධානී ගාමික ද සිල්වා මහතා මෙසේ පැවසීය. “සුහද හදක් ඇති දේශීය බැංකුව වන සෙලාන් බැංකුව මෙවරත් ගනුදෙනුකරුවන්ට සැබෑම සුබ නත්තලක අසිරිය විඳීම සඳහා ක්‍රෙඩිට් හා ඩෙබිට් කාඞ්පත් දීමනා රාශියක් ලබාදීමට සූදානම්. ගනුදෙනුකරුවන්ගේ ජීවන රටාවන්ට වඩාත්ම සුදුසු වන ආකාරයට පහසු ගෙවීම් ක්‍රම ලබාදීම සඳහා අප දැනටමත් වෙළෙඳ ආයතන රාශියක් සමඟ අත්වැල් බැඳගෙන සිටිනවා. මෙහි තවත් ඉදිරි පියවරක් ලෙස, ගනුදෙනුකරුවන්ට අපගේ දීමනා ගැන නවතම තොරතුරු ඉක්මනින් සමීප කරවීම සඳහා www.seylanoffers.com වෙබ් අඩවිය දියත් කිරීමට අප කටයුතු කළා. මෙමගින් ගනුදෙනුකරුවන්ගේ රුචිකත්වයන් අනුව, ඔවුන්ට වැඩියෙන්ම වැදගත් වන දීමනාවන් පිළිබඳ දැනුම්දීම් සිදුකරනු ලබන නිසා එම දීමනාවලින් උපරිම ප්‍රයෝජන ලබාගැනීමට ඔවුන්ට අවස්ථාව ලැබේවි.”