ආසියාවේ ප්රමුඛතම තීන්ත හා ආලේපන නිෂ්පාදකයා වන නිපොන් පේන්ට් ලංකා සමාගම සිය නවතම ශාඛාව පසුගියදා දැරණියගල නගරයේදී විවෘත කරන ලදී.
වඩාත් පහසුවෙන් නිපොන් නිෂ්පාදන මිලදී ගැනීමේ හැකියාව පාරිභෝගිකයාට හිමිකර දෙමින් විවෘත කෙරුණු මෙම නවතම ශාඛාව, ආසිරි එන්ටර්ප්රයිසස්, දෙහිඕවිට පාර, දැරණියගල යන ලිපිනයේ පිහිටා ඇත. මෙම නවතම ශාඛාව වෙත පිවිසෙන සෑම පාරිභෝගිකයකුටම දැන් පුළුල් පරාසයක විහිදුණු නිපොන් නිෂ්පාදන රැසක් මිලදී ගැනීමේ අවස්ථාව හිමිවේ.
දැව ආරක්ෂණ විසඳුම්, වෝටර් පෘෆින්ග් විසඳුම්, කාර්මික භාවිත සඳහා නිෂ්පාදිත විසඳුම්, බාහිර හා අභ්යන්තර භාවිතය සඳහා අලංකාර වර්ණ රටාවන්ගෙන් යුත් මනරම් තීන්ත වර්ග රැසක් නිපොන් සන්නාමය යටතේ වෙළෙඳපොළට හඳුන්වාදී ඇති අතර, මෙම නිෂ්පාදන දැන් දැරණියගල ශාඛාව වෙතින් මිලදී ගත හැකිය. මෙම සෑම නිපොන් නිෂ්පාදනයකම සුවිශේෂත්වය වනුයේ උසස් තත්ත්වය පිළිබඳ වූ වගකීමයි.
