පසුගිය බ්රහස්පතින්දා දිනයේ විපක්ෂයේ දේශපාලන පක්ෂ අතර පැවැති විශේෂ සාකච්ජාවට ආණ්ඩුවේ මන්ත්රීවරයකු වන මහාචාර්ය චරිත හේරත් මහතා සහභාගී වී ඇති බව අද පෙරවරුවේ අප වෙබ් අඩවිය ඔස්සේ විශේෂ පුවතක් පළ කිරීමට පියවර ගත්තෙමු.
එහිදී අප කියා සිටියේ මෙම රටේ ආර්ථික අර්බූදය සම්බන්ධයෙන් සාකච්ජා කිරීම සදහා පැවැති මෙම සාකච්ජාවට විපක්ෂයේ පක්ෂ නියෝජනය කරන නියෝජිතයන්ට අමතරව ආණ්ඩුව නියෝජනය කරන මහාචාර්ය චරිත හේරත්, අනුර ප්රියදර්ශන යාපා සහ මහාචාර්ය තිස්ස විතාරණ යන මහත්වරුන්ද සහභාගී වී සිටි බවකි.
කෙසේවෙතත් අප වෙබ් අඩවියේ මෙම පුවත පළවීමත් සමග අපට ඇමතුමක් ලබා දුන් චරිත හේරත් මහතා තමන් එම සාකච්ජාවට සහභාගී වූයේ ඒ සදහා සහභාගී වන ලෙසට තමන්ට නිල ආරාධනාවක් ලැබී තිබීම නිසා බවත්, විදේශ සංචිත හිගය ඇතුලු ආර්ථික කරුණු ගණනාවක් සම්බන්ධයෙන් එහි සාකච්ජා කරන බවට දැනුම් දී තිබීම නිසා බවත් සදහන් කර සිටියේය.
එමෙන්ම එම සාකච්ජාවේදී ආර්ථික කරුණු සම්බන්ධයෙන් පමණක් සාකච්ජා වූ බවද මහාචාර්යවරයා කියා සිටියේය.
