ලෝක ළමා දිනය සමරමින් HNB FINANCE ‘යාළු’ ළමා ගිණුමෙන් පොඩිත්තන්ට තෑගි…

ශ්‍රී ලංකාවේ ප්‍රමුඛ පෙළේ මූල්‍ය සමාගමක් වන HNB FINANCE PLC, 2021 වසරේ ඔක්තෝබර් පළමු වනදාට යෙදුණු ලෝක ළමා දිනය වෙනුවෙන් HNB FINANCE හි ළමා ඉතුරුම් ගිණුම වන “යාළු” ගිණුමේ අනුග්‍රහයෙන් විශේෂ ප්‍රවර්ධන වැඩසටහනක් දියත් කරන ලදී.

මෙම වැඩසටහන HNB FINANCE සමාගමේ නිල ෆේස්බුක් පිටුව ඔස්සේ දියත් කරන ලද අතර තම කැමැත්ත අනුව ඕනෑම කෙනකුට එයට සහභාගි වීමට අවස්ථාව ලබාදෙන ලදී.

මෙහිදී මවුපියන්ට සිය පවුලේ සාමාජිකයන් සමග ලෝක ළමා දිනය සමරන ආකාරය දැක්වෙන සමූහ ඡායාරූපයක් #HNBFChildrensDay2021 හැෂ් ටැගය යටතේ නිල ෆේස්බුක් පිටුවට අප්ලෝඩ් කරන ලෙස ඉල්ලීමක් කෙරිණි.

මෙම වැඩසටහන මුළුමනින්ම අන්තර්ජාලය මත ක්‍රියාත්මක වූ බැවින් අවදානමකින් තොරව සිය නිවෙස්වල සිටම මේ සඳහා එක්වීමට විශාල පිරිසකට අවස්ථාව උදාවිය.

මෙහිදී #HNBFChildrensDay2021 වැඩසටහන සමග සම්බන්ධ වූ පවුල් විසින් එවනු ලැබූ ඡායාරූප අතරින් ප්‍රශස්ථ සේයාරූ 10ක් තෝරාගෙන එම ජයග්‍රාහකයන් සඳහා නොවැම්බර් මාසය තුළ ත්‍යාග පිරිනැමීමට HNB FINANCE සමාගම කටයුතු කරමින් ඇත.