මේ රටේ ගොවි ජනතාව ඉතිහාසයේ කිසිම දිනක කිසිවෙකුට පින්සෙන්ඩු වෙන්නට ගොස් නැති අභිමානවත් පිරිසක් බවත්, තමන්ගෙ ස්වශක්තියෙන් ගොවිතැන් කරමින් රටට ශක්තිය ලබාදුන් පිරිසක් බවත්, එහෙව් ගොවි ජනතාවගේ ජීවිත අද සහමුලින්ම වලපල්ලට ඇද දමන්නට මේ වර්තමාන ආණ්ඩුව කටයුතු යොදා ඇති බවත් විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා අද (20) සමගි ජන බලවේගය මගින් ක්රියාත්මක “නගරයෙන් නගරයට ගමින් ගමට දොරින් දොරට” වැඩසටහනේ තවත් අදියරකට එක්වූ අතර ඒ අනුව අද එම වැඩසටහන පැවතියේ අනුරාධපුර බටහිර පේමඩුව ප්රදේශයේදීය.එහිදී එම ප්රදේශය ගොවි ජනතාව හමුවූ විපක්ෂ නායකතුමා ඔවුන් මුහුණ දෙන ගැටළු පිළිබඳව සාකච්ඡා කරනු ලැබීය.
කෘෂිකර්මාන්තය අගාධයකට තල්ලු කිරීම ආණ්ඩුව විසින් සිදුකරන දුර්ධාන්ත ක්රියාවලියක් බව පැවසු විපක්ෂ නායකතුමා මේ අන්තනෝමතික ක්රියාවලිය හේතුකොටගෙන රට බරපතළ අඩියකට වැටී ඇති බවත් පැවසීය.
ගොවිජනතාව අද පත්ව සිටින තත්ත්වයෙන් රට ගොඩනැගීමට සමගි ජන බලවේගය විසින් ඉදිරිපත් කරන විකල්පය වන්නේ “ගොවිජන විප්ලවයක්” බවත්, එය හරහා මෙරට තුළ කෘෂිකර්ම නවෝදයක් ඇති වන බවත් විපක්ෂ නායකතුමා පැවසීය.
නව තාක්ෂණය භාවිතා කරන,ගුණාත්මක බීජ සහ යෙදවුම් වලින් යුක්ත අපනයන මට්ටමට දියුණු කෘෂිකර්මාන්තයක් තම ප්රමුඛ වගකීම බව පැවසූ විපක්ෂ නායකතුමා,ඒ හරහා දැවැන්ත කෘෂිකර්ම විප්ලවයක් රට තුල නිර්මාණය කිරීමට අපේක්ෂා කරන බවද පැවසීය.
අස්වැන්න වැඩි කර ගත යුතු බවත්, ඒ වෙනුවෙන් නූතන තාක්ෂණය, යන්ත්ර සූත්ර යොදාගත යුතු බවත් ඒ වෙනුවෙන් ගොවිජනතාව සවිබල ගැන්විය යුතු බවත් පැවසූ විපක්ෂ නායකතුමා එය කෘෂි තාක්ෂණික විප්ලවයක් විය යුතු බවද පැවසීය.කෘෂිකර්මාන්තය ආශ්රිත තාක්ෂණික විප්ලවය හරහා මේ රටේ ලක්ෂ සංඛ්යාත ගොවි ජනතාව ගොඩනැංවිය යුතු බව පැවසූ ඒ මහතා ජනතාව අතේ මුදල් ගැවසෙන විට ක්රය ශක්තිය වර්ධනය කරගැනීමට හැකිවන බවද පැවසීය.
උද්ධමනය සහ බඩු මිල පාලනය කිරීමේ වැඩපිළිවෙළ ක්රියාත්මක කිරීම අපහසු නැති බව පැවසූ විපක්ෂ නායකතුමා ඊට අවශ්ය වන්නේ විධිමත් කළමණාකරන වැඩපිළිවෙළක් බවද පැවසීය.
සමගි ජන බලවේග රජයක් යටතේ මැති ඇමති තනතුරු යනු වරදානයක් නොවන බව පැවසූ විපක්ෂ නායකතුමා ඒ අය ජනතාව උදෙසා සේවය කිරීමට ලැබෙන ශක්තියක් පමණක් විය යුතු බව බවද පැවසීය.
