පිළිකාවට එරෙහිව තමන්ගේ අත්දැකීම් බෙදා ගැනීම හරහා මෙරට ප්රසිද්ධියට පත්වූ තරුණ නිරූපන ශිල්පීනියක් වන උදාරි චතුරිකා මුණසිංහ අද සිය ජිවන ගමනට සමුදුන්නේය.
චතු මුණසිංහ ලෙස හඳුන්වනු ලබන ඇය මිට මාස කිහිපයකට පෙර යුටියුබ් නාලිකාවක් හරහා ඇයගේ කතාව ප්රසිද්ධියට පත් කිරීමට පියවර ගත්තාය.
පිළිකා රෝගී තත්ත්වය හමුවේ මානසිකව බිඳ නොවැටී ජිවිතයට මුහුණදීම සම්බන්ධයෙන් ඇය මෙහිදී සාකච්ජා කළ අතර වර්ථමානයේ පිළිකා රෝගයෙන් පෙලෙන බොහෝ දෙනෙකුට එය ශක්තියක් විය.
වයස අවුරුදු 34 වූ ඇය අන් අයගේ මානසිකත්වය වර්ධනය කරන කථිකාචාර්යවරියක් වූ අතර පිළිකා රෝගය සහ ඔවුන්ගේ මානසික සුවතාවය සම්බන්ධයෙන් ඇය මෙහිදී බොහෝ දෙනා දැනුවත් කිරිමට කටයුතු කළාය.
පිළිකා රෝගයට ගොදුරුව සිටියදීම ඇය මිට මාස කිහිපයකට පෙර කොවිඩ් -19 වෛරසයට ගොදුරු වූ අතර පසුව ඉන් සුවය ලැබ තිබිණ.
ඉතා ධෛර්ය සම්පන්න තරුණියක් වූ ඇය අවසානයේදී පිළිකා රෝගය හේතුවෙන් ජිවන ගමනට සමුදෙන විට 34 හැවිරිදි වියේ පසුවූ අතර, දරු දෙදෙනෙකුගේ මවක් ද වුවාය.
Chathu, Hope you breathed your last just the way you wished. I'm humbled I was part of your final months, to tell your story & spread your strength to the world. May you never face similar death or disease in any of your births. Rest in Power Strong Sister pic.twitter.com/ACULgpd3C3
— Lahiru Mudalige (@LMudalige) October 11, 2021
