නවලෝක රෝහල් සමූහය BBB(SL) ශ්‍රේණිය හිමිකර ගනී

ශ්‍රී ලංකාවේ පුද්ගලික රෝහල් ක්ෂේත්‍රයේ පුරෝගාමී නාමය වන නවලෝක රෝහල් සමූහය මෑතකදී ආයෝඡන ශ්‍රේණිගතකරණයට අයත් සමූහයේ ණය ශ්‍රේණිය (SL) BBB ස්ථාවර තත්ත්වයක ඇති බව ICRA Lanka Limited විසින් නව දැක්මකින් යුතුව නැවතත් තහවුරු කරන ලදී.

ICRA ශ්‍රේණිගතකිරීම මගින් යළි තහවුරු කරන ලද නවලෝක රෝහල් සමූහය පසුගිය කාලය තුළදී ශක්තිමත්, තිරසාර ව්‍යාපාරික ආකෘතියක් ක්‍රියාත්මක කිරීමෙන් ලබාගත් කැපීපෙනෙන ප්‍රගතිය ඇගයීම සඳහා මෙන්ම උසස්, වටිනාකම් එකතු කළ වෛද්‍ය සේවාවන් තුළින් විවිධාකාර මෙහෙයුම් විශේෂතා ලබාදීමට හැකිවීමට ලද ඇගයීමක් ලෙසත් මෙය හඳුන්වාදිය හැකිය. මෙම ණය ශ්‍රේණිගතකරණය තුළින් ශ්‍රී ලංකාවේ තරගකාරී පෞද්ගලික සෞඛ්‍ය සේවා ක්ෂේත්‍රය තුළ ප්‍රමුඛතම රෝහල් සමූහය බවට නවලෝක රෝහල් ජාලයේ ශක්තිමත් වෙළෙඳ නාමය සහ සුවිශේෂ මෙහෙයුම් වාර්තාද ඇගයීමට ලක්වී ඇත.