රටවල් 240ක විශ්වාසයෙන් JW.ORG සාමාජිකත්වය සිය ජාත්‍යන්තර සමුළුව අභිමානයෙන් සමරයි

දශක ගණනාවක් පුරා සම්ප්‍රදායකව පවත්වාගෙන ආ ලොව විශාලතම සමුළු මාලාව කෝවිඩ් සෞඛ්‍යාරක්ෂිත ක්‍රමවේද අනුගමනය කරමින් මෙවරත් අභිමානවත් අන්දමින් පැවැත්වීමට JW.ORG සාමාජිකයන් විසින් කටයුතු යොදා ඇත. රටවල් 240ක් පුරා විහිදෙන මිලියන සංඛ්‍යාත සාමාජික සාමාජිකාවන් විවිධ භාෂා 500කින් පමණ මෙම වැඩසටහන හා එක්වීම විශේෂත්වයකි.

නොකඩවා දශක 6කට අධික කාලයක් පුරා මෙහි සාමාජිකයන් ශ්‍රී ලංකාව තුළද අතිසාර්ථක සමුළු පවත්වා ඇත. එහෙත් 2020 වසරේදී ලෝක මට්ටමෙන් ව්‍යාප්ත වූ කෝවිඩ් ගෝලීය වසංගතය හමුවේ ලොව පුරා ජනතාවගේ සාමූහිකව දැනුවත්වීම්වල නිරතව සිටීමේ කටයුතුවලට බාධා ඇතිවිය. එබැවින් සියලු ආකාරයේ දේශන කටයුතු ඔන්ලයින් තාක්ෂණය ඔස්සේ පැවැත්වීමට කටයුතු කෙරිණි. ජාත්‍යන්තරව පිළිගත් JW.ORG සමුළුව 1987 සිට විවිධ රටවල පිහිටි සම්මන්ත්‍රණ ශාලා සහ ජාත්‍යන්තර ක්‍රීඩාංගණවලදී පැවැත්වීය. එහෙත් කෝවිඩ් හේතුවෙන් පනවා ඇති සංචරණ සීමා හේතුවෙන් 2020 සමුළුව සඳහා මිලියන සංඛ්‍යාත ලෝවැසි සාමාජිකත්වයට අන්තර්ජාලය ඔස්සේ මේ හා සම්බන්ධ වීමට අවස්ථාව ලැබී ඇත.