සිය වැඩිමහල් පුත් නාමල් රාජපක්ෂ සම්බන්ධයෙන් පියාණන් වූ අගමැති මහින්ද රාජපන්ෂ මහතා ඉතා සංවේදී සටහනක් සිට ෆේස්බුක් පිටුවේ සටහන් කොට තිබේ.
ඒ නාමල්ගේ උපන්දිනය නිමිත්තෙන් සුබපතමිනි.
එහි මෙසේ සදහන්ය.
දයාබර නාමල් පුතේ,
අපේ කැදැල්ලට කුළුඳුලේ දරු සුරතල් රැගෙන බක් මහේ අවුරුදු කුමාරයා මෙන් නුඹ පැමිණි දවස මට අද වාගේ මතක ය.
කාලය තුරඟ පිට නැඟී ගෙවී ගිය ද අපේ ලෝකය සුන්දර කළ පුංචි නුඹේ සොඳුරු දඟකාරකම්, ආදර කියුම් කෙරුම් අදටත් සැනසිල්ලකි.
ඒ පුංචි නුඹ, අද ලොකු මිනිසෙකු වී රට ගොඩනඟන සටනට උර දී සිටිනු දකින්නට ලැබීම මටත් අම්මාටත් මහා සතුටකි.
ඒ සතුට මේ රටට ආදරය කරන සෑම හදවතකට ම උරුම කරදෙන්නට ශක්තිය, ධෛර්යය, වාසනාව ලැබෙන වාසනාවන්ත සුබ උපන් දිනයක් වේවා!
තෙරුවන් සරණයි!
තාත්තා
