රාජකීය දිවිපෙවෙතකට ස්වර්ණමය ආයෝජනය ‘The Palace Gampaha’

ශ්‍රී ලාංකීය නිවාස හා දේපොළ වෙළෙඳ ක්ෂේත්‍රයේ වෙළෙඳපොළ නායකත්වය උසුලන සහ සුඛෝපභෝගී නිවාස ඉදිකිරීම් ක්ෂේත්‍රයේ ජාත්‍යන්තර සම්මානයෙන් පිදුම් ලද ප්‍රයිම් සමූහය සිය සුපිරි නිවාස ව්‍යාපෘතීන් අතරින් නවමු සංකල්පයක් සමග ‘The Palace Gampaha’ පසුගියදා ආරම්භ කරන ලදී. පුළුල් පරාසයක විහිද සිටින විවිධත්වයෙන් යුතු සිය ගණුදෙනුකරුවන්ගේ අවශ්‍යතා ප්‍රශස්ත ලෙස සපුරාලීමට, ප්‍රයිම් සමූහය සුඛෝපභෝගී නාගරික ජීවිතය සඳහා අවශ්‍ය සියලු පහසුකම්වලින් සමන්විතව ගම්පහ නගරයට සමීපව මෙම සහධිපත්‍ය ‘Condominium’ නිවාස ව්‍යාපෘතිය ඉදිකරනු ඇත.

‘The Palace Gampaha’සුඛෝපභෝගී සහධිපත්‍ය (Condominium) නිවාස ව්‍යාපෘතියේ ඉදිකිරීම් පරිශ්‍රය අක්කර 13කට වැඩි වපසරියක් පුරාවට දිවයන අතර නුවර කොළඹ ප්‍රධාන මාර්ගයට මීටර් 100ක් තරම් ආසන්නයෙහි මෙම නිවාස සංකීර්ණය ඉදිවනු ඇත. ගම්පහ නගරයට කිලෝමීටර් 2ක් තරම් සමීපයෙහි පිහිටි බැවින් ගම්පහ නගරයෙහි පිහිටි සියලු ප්‍රධාන පෙළේ පාසල්, රෝහල්, සාප්පු සංකීර්ණ, අධ්‍යාපන ආයතන, සිනමාශාලා සහ විනෝද මධ්‍යස්ථානයන්, වැනි පොදු ස්ථානයන් වෙත පහසුවෙන් පිවිසීමේ හැකියාව ඇත. එමෙන්ම ගම්පහ දුම්රියපොළ වෙත විනාඩි 5ක් වැනි සුළු කාලයක් තුළ ළඟාවීමේ හැකියාව පවතී. එමෙන්ම ඉදිවෙමින් පවතින කොළඹ නුවර ප්‍රධාන අධිවේගී මාර්ගයෙහි එක් පිවිසුමක් ආසන්නයෙහි මෙම නිවාස සංකීර්ණය පිහිටා ඇති බැවින් විනාඩි 5ක් තුළ කොළඹ මහනුවර අධිවේගී මාර්ගය වෙත ප්‍රවේශ වීමේ අවස්ථාව පවතී. ‘The Palace Gampaha’ සුඛෝපභෝගී සහධිපත්‍ය නිවාස ව්‍යාපෘතියේ සිට කඩවත අධිවේගී මාර්ග පිවිසුමට විනාඩි 15කින් ළඟාවිය හැක.