ශ්රී ලංකාවේ ව්යාපාරික දිස්ත්රික්කය වන කොළඹ නගරය දැවැන්ත පරිවර්තනයකට ලක් කිරීමට ආණ්ඩුව සැලසුම් කර ඇත.
ඒ අනුව කොටුවේ පිහිටි විදේශ අමාත්යංශය බෞද්ධාලෝක මාවතේ පිහිටි කාර්මික තාක්ෂණ ආයතන පරිශ්රයට ගෙන යාමටත්, පොලිස් මූලස්ථානය රත්මලාන අත්තිඩිය ප්රදේශයට ගෙනයාමට සැලසුම් කර ඇති බව නාගරික සංවර්ධන අධිකාරිය පවසයි.
විදේශ අමාත්යාංශ කාර්යාලයට යාබද ගොඩනැගිල්ලේ තේ කෞතුකාගාරයක් ස්ථාපිත කෙරේ.
එමෙන්ම මේ වනවිට කොටුව නගර මධ්යයේ පිහිටා ඇති ඉපැරණි ගෆූූර් ගොඩනැගිල්ල බිලියන 3ක වියදමකින් නාවික හමුදාව විසින් ප්රතිසංස්කරණය කරන අතර එහි තට්ටු 3ක හෝටලයක් සහ ඉහළම තට්ටුවේ පිහිනුම් තටාකයක් ඉදිකිරීීමට නියමිතය. එහි කටයුතු දෙසැම්බර් මස අවසන් වනු ඇති බව පැවසේ.
මේ වනවිට ග්රෑන්ඩ් ඔරියන්ටල් හෝටලය මිලියන 250 වියදමකින් ප්රතිසංස්කරණය කොට ඇති අතර එහි කළමනාකාරීත්වය වෝටර්ස් එජ් ආයතනයට බාර දී තිබේ.
එමෙන්ම ජනාධිපති මන්දිරය ඉදිරිපිට ඇති පැරණි සාමාන්ය තැපැල් කාර්යාල ගොඩනැගිල්ල ද ප්රතිසංස්කරණය කෙරේ.
ඒ හරහා කොටුව ප්රදේයේ ඉපැරණි බව රැකගෙන සංචාරකයින් ආකර්ෂණය කර ගැනීම සඳහා දැවැන්ත වෙනසක් සිදු කිරීමට රජය තීන්දු කර ඇත.
නගරයේ අනෙකුත් සංවර්ධනයන්හිදී, සංචාරකයින් ආකර්ෂණය කර ගැනීම සඳහා අක්කර හතරක විසුම්පාය නවීන ජාත්යන්තර සමාජ ශාලාවක් බවට පත් කරනු ඇත. එම පරිශ්රයේ කුළුණු දෙකක් ඉදිකරන අතර ආයෝජකයින්ට ඒ සදහා ආරාධනා කිරීමට නියමිතය.
ශ්රාවස්ති මන්දිරය රාජ්ය උත්සව සඳහා සම්මන්ත්රණ ශාලාවක් ලෙස නැවත සංවර්ධනය කෙරේ.
වැලිකඩ සිර ගෙදර හොරණට රැගෙන යාමට නියමිත අතර බිලියන 28ක වියදමකින් ඔක්තොබර් මස එහි ඉදිකිරීමි කටයුතු ආරම්භ කිරීමට නියමිතය.
