S-lon සහ NAITA අත්වැල් බැඳගනී

එස්ලෝන් ලංකා (පුද්.) සමාගම සහ ජාතික ආධුනිකත්ව හා කාර්මික පුහුණු කිරීමේ අධිකාරිය (NAITA) අතර පවතින එකඟතාව තවත් වසර 3කින් දීර්ඝ කිරීම සඳහා වන අවබෝධතා ගිවිසුමට දෙපාර්ශ්වය විසින් පසුගියදා අත්සන් තබන ලදී. මෙම එකඟතාව යටතේ, සක්‍රීය සාමාජිකයන් 7,000කට අධික සංඛ්‍යාවක් සිටින එස්ලෝන් ජලනල කාර්මිකයන්ගේ සමාජයේ සාමාජිකයන්ට සිය වෘත්තීය ජීවිතයේ දියුණුව සඳහා අතිශයින් වැදගත් වන පුහුණුව හා සුදුසුකම් පිරිනැමීම සිදුකෙරේ.

දැනටමත් ජලනල කාර්මිකයන් 2,000කට අධික පිරිසක් මෙම වැඩසටහන ඔස්සේ වෘත්තීය සුදුසුකම් හිමිකරගෙන තිබේ.