‘‘Park & Ride’’ නාගරික බස් සේවාව SLT-MOBITEL සබඳතා බලගැන්වෙයි

ප්‍රවාහන අමාත්‍යංශය විසින් පසුගියදා හඳුන්වා දුන් නවතම ප්‍රවාහන සංකල්පයක් වනPark and Ride නාගරික බස් සේවාවට, වයිෆයි පහසුකම් හා සන්නාමකරණ සැපයීම වෙනුවෙන් SLT-MOBITEL පසුගියදා ශ්‍රී ලංකා ගමනාගමන මණ්ඩලය සමඟ අත්වැල් බැඳගත්තේය. නව බස් රථ සේවාව 2021 ජනවාරි 15 වැනිදා හඳුන්වාදෙන ලද අතර, අතිගරු ජනාධිපති ගෝඨාභය රාජපක්ෂ, ප්‍රවාහන අමාත්‍ය ගාමිණී ලොකුගේ, ප්‍රවාහන රාජ්‍ය අමාත්‍ය දිලුම් අමුණුගම, ශ්‍රී ලංකා ගමනාගමන මණ්ඩලයේ (SLTB) සභාපති කිංග්ස්ලි රණවක, ශ්‍රී ලංකා ටෙලිකොම් සමූහයේ සභාපති රොහාන් ප්‍රනාන්දු සහ SLT-MOBITEL ඉහළ නිලධාරීන් ද ඇතුළු පිරිසක් එම අවස්ථාවට සහභාගි වූහ.

සිය සන්නාම ඒකාබද්ධකරණය මගින් ජාතික සන්නිවේදන සේවා සැපයුම්කරු ලෙස සිය කාර්යභාරය තවදුරටත් ශක්තිමත් කරගනිමින් ඒකාබද්ධ සන්නිවේදන සේවා සැපයීමට SLT-MOBITEL සමූහයට හැකිවී තිබේ. විශේෂයෙන් ම මෙම නාගරික බස් රථ සේවාවට පහසුකම් සැලසීම තුළින් අනාගත සන්නිවේදන සබඳතා හා ශ්‍රී ලංකාවේ ඩිජිටල්කරණ වෑයම තුළ තවත් එක් ඉදිරිගාමී පියවරක් තැබීමට SLT-MOBITEL සමත්විය.

මෙම නවතම නාගරික බස් සේවාව හඳුන්වාදෙනු ලැබුවේ කොළඹ නගරය තුළ මාර්ග තදබදය අවම කරමින් ආරක්ෂිත ගමනාගමන පහසුකම් සැලසීමේ අරමුණෙනි. මෙම සේවාව දිවයින පුරා ක්‍රියාත්මක කිරීමට නියමිතය. ඒ අනුව දිනපතා පෙ.ව. 6 සිට පෙ.ව. 9 දක්වා සෑම මිනිත්තු 15කට වරක්ම බස් රථ ක්‍රියාත්මක වන අතර පෙ.ව. 9ට පසු පස්වරු 8 දක්වා මිනිත්තු 30ට වරක් බැගින් ක්‍රියාත්මක වේ.