අගමැති නිල නිවෙස ඉදිරිපිට පැවති උද්ඝෝෂණයක දී අන්තර් විශ්වවිද්යාලයීය ශිෂ්ය බලමණ්ඩලයේ කැඳවුම්කරු රත්කරව්වේ ජිනරතන හිමි පොලීසිය විසින් අත් අත් අඩංගුවට ගෙන ඇත.
2019 විශ්වවිද්යාල ප්රවේශය සම්බන්ධ ගැටළුව විසඳීමට ආණ්ඩුවට බලකරමින් මෙම උද්ඝෝෂණය පැවැත්විණි.
මෙහිදී පොලිසිය හා උද්ඝෝෂකයන් අතර උණුසුම් වචන හුවමාරුවක් සිදුවන ආකාරය දැකගත හැකි විය.
පොලීසිය පැවසුවේ, විරෝධතාවය අතරතුර ශබ්ද විකාශන යන්ත්ර භාවිත කිරීම හේතුවෙන් හිමියන් අත්අඩංගුවට ගත් බවය.
පොලිසිය විසින් අගමැති නිල නිවාස ඉදිරිපිට අවසරයකින් තොරව ශබ්ද විකාශන යන්ත්ර භාවිතා නොකිරීමට උපදෙස් ලබාදුන් නමුත් රත්කරව්වේ ජිනරතන හිමියන් එම උපදෙස් නොතකා ශබ්ද විකාශන යන්ත්ර භාවිතා කරන ලදී.
