Unitown Residencies නිවැසියන්ට SLT Fibre පරිපූර්ණ ස්මාට් ඩිජිටල් අත්දැකීමක්

ශ්‍රී ලංකාවේ තොරතුරු තාක්ෂණික, ඩිජිටල් සේවා සම්පාදනයේ පෙරගමන්කරුවා මෙන්ම ජාතික බ්‍රෝඞ්බෑන්ඞ් යටිතල පහසුකම් සේවා සම්පාදකයා වන ශ්‍රී ලංකා ටෙලිකොම් (SLT) විසින් BOI අනුමත දේපළ සංවර්ධන හා ඉදිකිරීම් සේවා සමාගමක් වන Asian Silk Route Private Limited සමග තාක්ෂණික සේවා සැපයුම් අවබෝධතා ගිවිසුමකට එළෙඹ තිබේ. එම ගිවිසුම් පත්‍රය අනුව කොළඹ 09 ඉදිවෙමින් පවතින Asian Silk Route Private Limited සමාගමේ සුඛෝපභෝගී නිවාස 64ක් සහිත මහල් 10කින් යුතු Unitown Residencies මහල් නිවාස සංකීර්ණය සඳහා SLT විසින් සන්නිවේදන තාක්ෂණික හා අධිවේගී අන්තර්ජාල පහසුකම් සලසනු ලැබේ. මෙම අවබෝධතා ගිවිසුමට අත්සන් තැබීම SLT වෙනුවෙන් එහි ප්‍රධාන විකුණුම් හා කලාප නිලධාරී ඉමන්ත විජේකෝන් සහ සාමාන්‍යාධිකාරී චේතන අත්තනායක යන මහත්වරුන් හා Asian Silk Route Private Limited පාර්ශ්වය වෙනුවෙන් එහි සභාපති සොව් වන්ශෝ, මෙහෙයුම් අධ්‍යක්ෂ ෆස්මින් ශහාබ්දීන් මහත්වරුන්ගේ ප්‍රධානත්වයෙන් පසුගියදා කොළඹ කොටුව SLT පරිශ්‍රයේදී සිදුකෙරිණි.

මෙම අවබෝධතා ගිවිසුමට අනුව Asian Silk Route Private Limited විසින් ඉදිකරනු ලබන Unitown Residencies සුඛෝපභෝගී මහල් නිවාස සංකීර්ණයේ නිවැසියන් වෙත අති නවීන SLT ෆයිබර් යටිතල පහසුකම් සමග නූතනත්වය මුසු සුවපහසු ඩිජිටල් ජීවන රටාවක් හිමිවේ. SLT සුපිරි අධිවේගී අන්තර්ජාල සබඳතා, අති සුපැහැදිලි හඬ සේවාව සහිත දුරකතන ඇමතුම් පහසුකම් මෙන්ම PEO TV සහ PEO Go ඔස්සේ හිමිවන HD රූපවාහිනී දසුන් එම නිවැසියන්ගේ එදිනෙදා දිවිය වඩාත් පහසුකිරීමෙහිලා සමත්වනු ඇත.